‘अब, सरकारी अस्पतालले स्वास्थ्य बीमाको औषधि छैन भन्न पाउँदैन’

अब, सरकारी अस्पतालमा स्वास्थ्य बीमाको औषधि छैन भन्न पाइँदैन।

अबपनि, स्वास्थ्य बीमा बोर्डले तोकेको औषधि छैन भन्नु गैरकानुनी ठहरिनेछ।

स्वास्थ्य तथा जनसंख्यामन्त्री प्रदीप पौडेलले अब अस्पतालमा स्वास्थ्य बीमाको औषधि छैन भन्न नपाइने बताएका हुन्।

इलाम अस्पतालको आइतबार अनुगमन गर्दै उनले स्वास्थ्य बीमा बोर्डले तोकिएका औषधि अस्पतालमा अनिवार्य हुनुपर्ने बताए।

‘अब पनि औषधि छैन भन्नु गैरकानुनी हो’, उनले स्पष्ट पारे।

सरकार तथा स्वास्थ्य बीमा बोर्डले ९८ प्रकारका औषधि तोकेको छ।

तोकिएका औषधि अनिवार्य राख्न उनले निर्देशन दिए।

चिकित्सकले लेखेका औषधि छैन भनेर पन्छिने छुट अब सरकारी अस्पताललाई नभएको उनले बताए।

त्यसका लागि स्वास्थ्य मन्त्रालयले आवश्यक काम अगाडि बढाएको उनको भनाई छ।

बीमाका केही व्यवस्थापनमा समस्या भएपनि यसलाई सुधार गर्न लागेको उनले बताए।

जिल्ला अस्पतालको स्तरोन्नति गर्न स्वास्थ्य मन्त्रालयका काम अगाडि बढाउनेसमेत उनले बताए।