एएफसी महिला एसियन कप छनोट चरणमा नेपाल समूह ’एफ’ मा

आयोजक उज्वेकिस्तानसँगै समूह ’एफ’ मा नेपाल, लाओस र श्रीलंका छन्

जनसम्मत
चैत्र १४, २०८१, बिहीवार

एएफसी महिला एसियन कप–२०२६ को छनोट चरणमा नेपाल समूह ’एफ’मा परेको छ।

मलेसियामा बिहीबार भएको ‘ड्र’ मा नेपाल, आयोजक उज्वेकिस्तानसँगै समूह ’एफ’ मा परेको हो।

उक्त समूहमा लाओस र श्रीलंकासमेत ४ देश छन्।

एएफसी छनोटका लागि ३४ टोलीलाई ८ समूहमा विभाजन गरिएको हो।

आगामी जुनमा हुने समूह ‘एफ’ को छनोट खेल उज्वेकिस्तानमा हुँदैछ।

नेपालले हालसम्म उज्वेकिस्तानविरुद्ध खेलेको सबै ३ खेल हारेको छ।

लाओसविरुद्ध हालसम्म नखेलेको नेपालले श्रीलंकामाथि भने सबै ८ खेलमा जीतको नतिजा निकालेको छ।

एसियन कप सन् २०२६ मार्चमा अष्ट्रेलियामा हुँदैछ।

हरेक समूहको विजेताले एसियन कप खेल्नेछन्।

प्रतियोगितामा १२ टोली सहभागी हुनेछन्।

आयोजक अष्ट्रेलियासँगै चीन, दक्षिण कोरिया र जापान भने यसअघि नै छनोट भइसकेका छन्।