एनपीएल क्रिकेटमा कर्णालीले लुम्बिनीलाई हरायो

फ्रेन्चाइज नेपाल प्रिमियर लिग (एनपीएल) क्रिकेटमा कर्णाली याक्सले लुम्बिनी लायन्सलाई ५ रनले हराएको छ।

कीर्तिपुरको त्रिवि क्रिकेट मैदानमा कर्णालीले दिएको १२९ रनको लक्ष्य पछ्याएको लुम्बिनीले २० ओभरमा ७ विकेट गुमाएर १२३ रनमात्र बनाउन सक्यो।

लुम्बिनीका टम मूर्सले सर्बाधिक ३६ रन बनाए।

सन्दीप जोराले २६ रन जोडे।

आशुतोष घिरैया र साद बिन जफरले समान १६÷१६ रन थपे।

अर्जुन साउदले १३ रन बनाए।

कप्तान रोहितकुमार पौडेलले १० रन जोडे।

कर्णालीका जीशन मक्सूदले २ विकेट लिए।

यसअघि, टस हारेर ब्याटिङको निम्तो पाएको कर्णालीले २० ओभरमा ८ विकेट गुमाएर १२८ रन बनायो।

लुम्बिनीका विकाश आग्रीले ३ विकेट लिए।

यो जीतसँगै कर्णाली ६ खेलबाट ८ अंकसहित तालिकाको तेस्रो स्थानमा उक्लिएको छ।

लुम्बिनीले भने ७ खेलबाट १ खेल जित्दै २ अंक जोडेर प्रतियोगिता सकाएको छ।

एनपीएल क्रिकेटको आजको दोस्रो खेलमा दिउँसो १ बजे विराटनगर किङ्स र चितवन राइनोज खेल्दैछन्।