गण्डकीमा पौडेल–सुवेदीको प्यानलबीच पत्रकार चुनावी दौड

यतिखेर, पत्रकार महासंघको निर्वाचनले आम संचारकर्मी र पत्रकारमाझ सरगर्मी बढेको छ।

यहि मंसीरको आउँदो २८ गते हुने पत्रकार महासंघको निर्बाचनमा केन्द्रदेखि प्रदेश र जिल्लासम्मका पत्रकारहरु चुनावी होडमा उत्रिएका छन्।

निर्वाचन परिणामलाई आफ्नो पक्षमा पार्न पत्रकारहरुको घटकदेखि स्वतन्त्र उम्मेदवारहरु चुनावी रणनीतिमा जुटेका छन्।

निर्वाचनका लागि सत्ता साझेदार नेपाली काँग्रेससम्बद्ध पत्रकारहरुको घटक नेपाल प्रेस युनियन र नेकपा एमालेसम्बद्ध प्रेस चौतारी नेपालको एउटा प्यानल बनेको छ।

त्यसैगरी, अर्कोतर्फ नेकपा (माओवादी केन्द्र) निकट प्रेस सेन्टर नेपाल र नेकपा एकीकृत समाजवादी निकट समाजवादी प्रेस संगठनको नेतृत्वमा अन्य साना पत्रकारहरुको घटक महासंघको चुनावी मैदानमा खरो उत्रिएको छ।

निर्वाचन कार्यक्रमको लागि विभिन्न प्रदेश समितिको लागि सोमबार उमेदवारी दर्ता भएका छन्।

यसअघि, मंसीर २२ गते केन्द्रीय समितिको लागि उम्मेदवारी दर्ता भैसकेको छ।

पर्सि बुधबार जिल्ला समितिहरुको लागि उम्मेदवारी दर्ता गर्ने निर्वाचन कार्यतालिका छ।

प्रदेशअन्तर्गतको महासंघको निर्वाचनका लागि गण्डकी प्रदेश समितिको नयाँ नेतृत्वका लागि पनि सोमबार नै उम्मेदवारी दर्ता गरिएको छ।

गण्डकी प्रदेशमा ७ पदाधिकारी १४ सदस्य गरी २१ सदस्यीय कार्यसमितिको लागि निर्वाचनमा ३५ जनाको उम्मेदवारी परेको छ।

अध्यक्षमा नेपाली काँग्रेस निकट नेपाल प्रेस युनियन र नेकपा एमाले निकट प्रेस चौतारीको प्यानलअनुसार युनियनका रमेश पौडेलले उम्मेदवारी दिएका छन्।

उता, माओबादी निकट प्रेस सेन्टर र एकीकृत समाजबादी निकट र समाजबादी प्रेस संगठनसहित अन्य घटको नेतृत्व गर्दै गोविन्द सुवेदीले गण्डकी प्रदेशको अध्यक्ष पदमा उम्मेदवारी दर्ता गराएका छन्।

पौडेल नेपाल पत्रकार महासंघ कास्कीका पूर्व सल्लाहकार एबं नेपाल प्रेस युनियनका पूर्व उपाध्य्क्ष हुन्।

सुबेदी नेपाल पत्रकार महासंघ गण्डकी प्रदेशका निबर्तमान महासचिब हुन्।

पौडेल र सुबेदी दुबैजना रेडियो बाराहीमा आबद्ध छन्।

पौडेल उक्त रेडियोका कार्यकारी निर्देशक र सुबेदी सोहि रेडियोमा समाचारबाचकको रुपमा कार्यरत छन्।

यसबाहेक अन्य मिडियामा समेत उनीहरु आबद्ध छन्।

उपाध्यक्ष (खुला) तर्फ प्रेस चौतारीका प्रकाश पौडेल र प्रेस सेन्टरका घनश्याम पाण्डेसहित युनियनका यदुनाथ बञ्जाराको उम्मेदवारी परेको छ।

यसअघि, बञ्जारा पत्रकार महासंघको गण्डकी प्रदेशको सचिब थिए।

उपाध्यक्ष (महिला)मा सेन्टरबाट कमला खत्री केसी र युनियनबाट मायाकुमारी अधिकारीले उम्मेदवारी दिएका छन्।

यसैगरी, महासचिवमा जमुना वर्षा शर्मा र दीपक परियारले उम्मेदवारी दिएका छन्।

शर्मा, चौतारीसम्बद्ध नेपाल पत्रकार महासंघ कास्कीकी निवर्तमान उपाध्यक्ष हुन्।

उनी, राससको सम्बाददातासहित अन्य मिडियामा पनि आबद्द छिन्।

परियार, सेन्टरसँगसम्बद्ध महासंघ कास्की शाखाको कार्यसमितिमा बसेर काम गरिसकेका छन्।

उनी, कान्तिपुर पब्लिकेसनमा कार्यरत छन्।

सचिव (खुल्ला) तर्फ ताराप्रसाद शर्मा र भविश्वर पाण्डेले उम्मेदवारी दिएका छन्।

सचिव (समावेशी) तर्फ रामबहादुर घले परियार र रोशनी गुरुङले उम्मेदवारी दिएका छन्।

कोषाध्यक्षतर्फ अग्निधर लुइँटेल, रमेश बस्ताकोटी र सागरराज तिमिल्सिनाले उम्मेदवारी दिएका छन्।

लुइँटेल प्रेस सेन्टर र बस्ताकोटी युनियनसम्बद्ध हुन्।

तिमिल्सिनाले स्वतन्त्र उम्मेदवारी दिएका छन्।

त्यसैगरी, सदस्य (खुला) तर्फ श्रीकृष्ण सिग्देल, गणेश पहारी, छविलाल पाण्डे, जनक श्रेष्ठ, ध्रुवराज सुवेदी, विजय नेपाल, राजेश पराजुली, रोशन लामिछाने र शेखर थापाले उम्मेदवारी दिएका छन्।

सदस्य (महिला)तर्फ ज्योति हमाल, रञ्जिता शर्मा, लक्ष्मी सुनार र सपना अधिकारीले मनोनयन दर्ता गरेका छन्।

सदस्य (दलित) तर्फ अमितकुमार विश्वकर्मा र विजय नेपालीले उम्मेदवारी दिएका छन्।

सदस्य (आदिवासी जनजाति) तर्फ तिलप्रसाद पुन (तिलक पुन), पदम श्रेष्ठ र मञ्जुल शाक्यले उम्मेदवारी दिएका छन्।

सदस्य (अल्पसंख्यक) तर्फ सुन्दरकुमार थकालीको मात्र उम्मेदवारी परेको छ।