गोरखाको बारपाक सुलिकोट कार्यसम्पादन मुल्यांकनमा जिल्लामै पहिलो

गोरखाको बारपाक सुलिकोट गाउँपालिका कार्यसम्पादन मुल्यांकनमा जिल्लामै पहिलो बनेको छ।

राष्ट्रिय प्राकृतिक स्रोत तथा वित्त आयोगले सार्वजनिक गरेको कार्यसम्पादन मूल्यांकनमा गोरखाका १० पालिकामध्ये बारपाक सुलिकोट गाउँपालिका उत्कृष्ट भएको हो।

बारपाक सुलिकोट कार्यसम्पादन मूल्यांकनमा ७०.०८ अंक प्राप्त गर्दै गोरखा जिल्लाभरको पाकिालमध्ये उत्कृष्ट बनेको हो।

राष्ट्रिय प्राकृतिक स्रोत तथा वित्त आयोगले सार्वजनिक गरेको नजितामा भिमसेन थापा गाउँपालिका यसपटक जिल्लाका पालिकाहरुमध्ये दोस्रो हुन सफल बन्यो।

भिमसेनथापाले कार्यसम्पादन मूल्यांकनमा ६९.०६ अंक प्राप्त गर्दै दोस्रो बन्यो।

त्यस्तै, कार्यसम्पादन मूल्यांकनमा आरुघाट गाउँपालिकाले ६८.०९ अंक प्राप्त गर्दै जिल्लामा तेस्रो भएको छ।

यसैगरी, चुमनुब्री गाउँपालिकाले ६७.०१ अंक ल्याएर चौथो बनेको छ।

त्यस्तै धार्चे गाउँपालिका र पालुङटार नगरपालिकाले समान ६६.०८ अंक ल्याएर पाँचौ स्थान ओगटेको छ।

सहिद लखन गाउँपालिकाले ६६.०४ अंकसहित छैटौं स्थानमा समेटिएको छ।

गोरखा नगरपालिकाले ६०.०७ प्राप्त गर्दै सातौं स्थान प्राप्त गरेको छ।

यस्तै, गण्डकी गाउँपालिका ६० अंकसहित आठौं स्थानमा छ।

सिरानचोक गाउँपालिकाले ५८.०६ ल्याउँदै नवौं स्थानमा छ।

आयोगले पालिकाले समयमै सभामा बजेट पेश गरे/नगरेको, पारित गरे/नगरेको, खर्च अवस्था, बेरुजु, लेखा परीक्षणले औँल्याएको बेरुजु, स्थानीय संचित कोष व्यवस्था प्रणालीको प्रयोग, आवधिक योजना गरे/नगरेको, राजस्वको विभाजन गरे/नगरेको लगायत बिभिन्न १७ वटा सूचकहरूको आधारमा मूल्यांककन गर्ने गर्दछ।