टाइगर कप भलिबलः आयोजक टाइगर ग्रुपले आर्मीलाई हरायो

घरेलु टोलीले विभागीय आर्मीमाथि ३–० को सोझो सेटमा जीत निकाल्यो

जनसम्मत
माघ १३, २०८१, आइतबार

पाँचौं संस्करणको एनसेल टाइगर कप राष्ट्रिय तथा अन्तर्राष्ट्रिय क्लब महिला तथा पुरुष भलिबल प्रतियोगिताको महिलातर्फ आयोजक टाइगर ग्रुपको टोलीले त्रिभुवन आर्मी क्लबलाई सोझो सेटमा पराजित गरेको छ।

पोखरा रंगशालास्थित भलिबल कोर्टमा (आइतबार) बिहान भएको खेलमा आयोजक टोलीले आर्मीलाई ३–० को सोझो सेटमा पराजित गरेको हो।

आयोजक टोलीले आर्मीमाथि पहिलो सेट २५–१४, दोस्रो सेट २५–११ र तेस्रो सेट २५–२१ ले जीत निकाल्यो।

यसअघि, शनिबार खराब प्रकाशका कारण खेल स्थगित भएपछि आइतबार पुनः खेलाइएको थियो।

आयोजक टोलीको नेतृत्व राष्ट्रिय टोलीकी कप्तान अरुणा शाहीले गरेकी छन्।

टोलीमा ३ थाइल्यान्डका खेलाडीहरु छन्।

तस्बीरः बसन्त शेर्पा