प्रतियोगिताअन्तर्गत महिलातर्फकै दोस्रो खेलमा टिपटप न्यू डायमण्ड स्पोर्ट्स क्लबले विभागीय नेपाल पुलिस क्लबमाथि रोमाञ्चक जीत निकाल्यो।
न्यू डायमण्डले पुलिसलाई ३–२ को सेटमा जीत निकालेको हो।
पहिलो सेट २५–१२ ले आफ्नो पक्षमा पारेको पुलिसले दोस्रो सेट २३–२५ ले डायमण्डलाई सुम्पेको थियो।
निकै प्रतिस्पर्धात्मक भएको तेस्रो सेट पुलिसले २६–२४ ले आफ्नो पक्षमा पारेको थियो।
चौथो सेटमा उत्कृष्ट प्रदर्शन गर्दै न्यू डायमण्डले २५–१८ आफ्नो पक्षमा पार्दा खेल पाँचौं सेटमा धकेलिएको थियो।
पाँचौं सेटमा उत्कृष्ट प्रदर्शन गर्दै न्यू डायमन्डले पुलिसलाई १५–१० को सहज जीत निकाल्यो।
टाइगर ग्रुप अफ पोखरा नेपालको आयोजनामा आजबाट सुरु भएको पाँचौं संस्करणको टाइगर कप भलिबल १९ गतेसम्म चल्नेछ।
प्रतियोगिताको पुरुषतर्फका खेल भने आइतबार हुनेछन्।