तनहुँको भानु नगरपालिका कार्य सम्पादन मुल्यांकनमा जिल्लाभरकै पालिकामध्ये उत्कृष्ट

तनहुँको भानु नगरपालिका कार्य सम्पादन मुल्यांकनमा जिल्लाभरकै पालिकामध्ये उत्कृष्ट बनेको छ।

स्थानीय तह कार्यसम्पदानमा तनहुँका १० पालिकामध्ये भानु नगरपालिका पहिलो भएको हो।

राष्ट्रिय प्राकृतिक स्रोत तथा वित्त आयोगले सार्वजनिक गरेको मूल्यांकनको अन्तिम नतिजा अनुसार भानुले ७१.४ अंक प्राप्त गरी तनहुँ जिल्लामा पहिलो भएको हो।

त्यसैगरी, भीमाद नगरपालिकाले ६८.४ अंक प्राप्त गरी दोस्रो भएको छ।

व्यास नगरपालिकाले ५६.४ अंक पाएको छ।

यस्तै, शुक्लागण्डकी नगरपालिकाले ५२.४ अंक ल्याएको छ।

गाउँपालिकातर्फ बन्दीपुर गाउँपालिकाले ५९.८ अंक प्राप्त गरेको छ।

म्याग्दे गाउँपालिकाले ५९.५ अंक पाएको छ।

ऋषिङ गाउँपालिकाले ५६.३ अंक ल्याएको छ।

आँबुखैरेनी गाउँपालिकाले ५६ प्राप्त गरेको छ।

घिरिङ गाउँपालिकाले ४३.२ अंक पाएको छ।

त्यसैगरी, देवघाट गाउँपालिकाले ५०.०७ अंक ल्याएको छ।

आन्तरिक आम्दानीको प्राप्ति, विभाज्य कोषमा दाखिला भएको रकम, विनियोजन अनुसारको खर्च बजेट, बेरुजु, आवधिक योजना निर्माणको अवस्था, शैक्षिक र स्वास्थ्य गतिविधिलगायत मूल्यांकन गरेर नतिजा निकालिएको हो।