नवलपुरको गैंडाकोट नगरपालिका ‘उत्कृष्ट नगरपालिका पुरस्कार–२०८१’ बाट पुरस्कृत

नवलपुरको गैंडाकोट नगरपालिका ‘उत्कृष्ट नगरपालिका’को रुपमा पुरस्कृत भएको छ।

नेपाल नगरपालिका संघको ३२ औँ स्थापना दिवसको अवसरमा संघले गैंडाकोट नगरपालिका ‘उत्कृष्ट नगरपालिका’को पुरस्कार–२०८१’ प्रदान गरेको हो।

प्रधानमन्त्री केपी शर्मा ओलीले संघद्वारा काठमाडौंमा आयोजना गरेको समारोहबीच गैंडाकोट नगरपालिका प्रमुख मदनभक्त अधिकारीलाई सम्मानसहित पुरस्कार प्रदान गरेका हुन्।

आर्थिक वर्ष ०८०/०८१ मा स्थानीय आर्थिक बिकास क्षेत्रमा उल्लेख्य कार्य सम्पादन गरेकोले सोको उच्च मूल्यांकन गर्दै गैंडाकोट नगरपालिकालाई यस बर्षको ‘उत्कृष्ट नगरपालिका पुरस्कार–२०८१’ प्रदान गरिएको नेपाल नगरपालिका संघका कार्यकारी निर्देशक कलानिधि देवकोटाले जानकारी दिएका छन्।

नगर प्रमुख मदनभक्त अधिकारीले आगामी कार्यकालमा उत्कृष्ट कार्यसम्पादन गर्ने प्रतिबद्धता जनाए।

नगरप्रमुख अधिकारीले भने, ‘आजसम्मको कामको मूल्यांकन गर्दै यो सम्मान पाएकोमा खुशी छौं। आगामी बाँकी कार्यकालमा पनि झनै उत्कृष्ट कार्य सम्पादन गर्न मैले मेरो तहबाट उल्लेख्य भूमिका खेल्नेछु।’

गैंडाकोट नगरपालिकाका प्रमुख प्रशासकीय अधिकृत झविन्द्र खनालले यो सम्मानले गर्दा अझै अनुदान र सहयोगका कार्यक्रमहरू पनि थपिनेमा आफू आशावादी रहेको बताए।

खनालले भने, ‘यो सम्मान र पुरस्कारले हामीलाई आगामी दिनमा अझै राम्रो काम गर्नका लागि थप हौसला प्रदान गरेको छ। साथै, हामीलाई थप उत्प्रेरित समेत गरेको छ भने सँगसँगै चुनौती पनि थपेको छ। उत्कृष्ट नगरपालिकाको गरिमालाई जोगाई राख्नका लागि हामीलाई थप चुनौती पनि छ।