नवलपुरको मध्यविन्दुमा कृषि प्रविधि र रैथाने खानाको प्रवर्द्धन गर्न महोत्सव

नवलपुरको मध्यविन्दु नगरपालिकाले कृषि प्रविधि प्रदर्शनी तथा रैथाने खाना महोत्सव आयोजना गर्ने भएको छ।

आगामी फागुन २२ देखि २४ गतेसम्म मध्यविन्दु–७ को नवजागरण माविको प्राङ्गणमा महोत्सव हुने नगरपालिकाले बिहीबार पत्रकार सम्मेलन गरी जानकारी दिएको हो।

नवीनतम कृषि प्रविधि तथा उपकरणहरको प्रदर्शनी, परम्परागत रैथाने खानाको प्रवर्द्धन र संरक्षण गर्न, कृषक, उद्यमी तथा प्राविधिक र अनुसन्धानकर्ताबीच अन्तरक्रिया गर्ने अवसर सृजना गर्न महोत्सव आयोजना गरिएको नगरप्रमुख भिमलाल अधिकारीले जानकारी दिएका छन्।

त्यस्तै, स्थानीय उत्पादनको बजार प्रवर्द्धन गर्न, वित्तिय संस्थामार्फत कृषि कर्जाको लागि सहजिकरण र कृषि बाली तथा पशुपंक्षि विमाबाट कृषकलाई लाभान्वित गराउन महोत्सव फलदायी हुने उनले दाबी गरेका छन्।

महोत्सवमा स्थानीय कृषकसहित विद्यार्थी, सरोकारवालालगायत लाभन्विन हुने नगरपालिकाले जनाएको छ।

३ दिनसम्म चल्ने महोत्सवमा २५ हजार जनाले प्रत्यक्ष सहभागिता जनाएर अवलोकन गर्ने र १८ लाख ५० हजार रुपैयाँ खर्च हुने नगरपालिकाको अनुमान छ।