नेपाली यु–१९ टोलीले एक खेलअघि नै जित्यो अभ्यास खेलको श्रृंखला

नेपाली यु–१९ टोलीले एक खेलअघि नै अभ्यास खेलको श्रृंखला जितेको छ।

दिल्लीको यु–१९ को टोलीसँगको ३ खेलको एकदिवसीय क्रिकेटको अभ्यास श्रृंखला नेपाली युवा टोलीले एक खेलअगावै जितेको हो।

वीरगञ्जमा आज (विहीबार) भएको दोस्रो खेलमा नेपाली टोलीले दिल्लीको टोलीलाई १०२ रनले हरायो।

नेपालले दिएको १ सय ९३ रनको लक्ष्य पछ्याएको दिल्ली ३० ओभर ४ बलमा ९० रनमै अलआउट भयो।

दिल्लीका शन्तनु यादवले सर्बाधिक ३० रन बनाए।

नेपालका अपराजित पौडेलले ५ विकेट लिए।

यसअघि, टस हारेर ब्याटिङको निम्तो पाएको नेपालले ५० ओभरमा ९ विकेट गुमाएर १९२ रन बनायो।

नेपालका अभिषेक तिवारीले सर्वाधिक ६० रन बनाए।

त्यसैगरी, नरेन भट्टले ५२ रन जोडे।

दिल्लीका शुभम् दुबेले ३ विकेट लिए।

पहिलो खेल नेपालले ५ विकेटले जितेको थियो।