नेपाल सुपर लिग: झापा र काठमाडौंले अंक बाँड्यो

नेपाल सुपर लिग (एनएसएल) सिजन ३ मा झापा एफसी र काठमाडौं रेजर्सबीचको खेल गोलरहित बराबरीमा सकिएको छ।

बिहीबार त्रिपुरेश्वरस्थित दशरथ रंगशालामा सम्पन्न खेलमा दुवै टिमले गोलका निक्कै कम अवसर सृजना गरे।

प्रतियोगितामा दुवै टिमको यो दोस्रो खेल हो।

यसअघि, पहिलो खेलमा पनि दुवै टिमले बराबरी खेलेका थिए।

पहिलो खेलमा काठमाडौँले साबिक विजेता ललितपुर सिटी एफसीसँग २–२ को बराबरी खेलेको थियो।

यता, झापा भने पहिलो खेलमा बुटवल लुम्बिनी एफसीसँग गोलरहित बराबरीमा रोकिएको थियो।

दुबै टोलीले २/२ खेलमा बराबरी खेलेपछि दुबैको समान २/२ अंक जोडेका छन्।

एनएसएल फुटबलमा भोलि (शुक्रबार) चितवन एफसी र बुटवल लुम्बिनी खेल्दैछन्।