नेपाल सुपर लिग: धनगढीको विजयी सुरूवात

नेपाल सुपर लिग (एनएसएल) मा साबिक उपविजेता धनगढीले विजयी सुरूवात गरेको छ।

त्रिपुरेश्वरको दशरथ रंगशालामा आज (मंगलबार) भएको खेलमा धनगढीले बुटवल लुम्बिनीलाई ४–१ ले पराजित गरेको हो।

योसँगै धनगढीले पहिलो खेलमै ३ अंक जोडेको छ।

बुटवलको भने यो पहिलो हार हो।

यसअघि, बुटवलले झापा एफसीसँग गोलरहित बराबरी खेलेको थियो।

बुटवलसँग १ अंक छ।

धनगढीको जीतमा लेबनानी फरवार्ड अहमद हिजाजीले २ र कृतिशरत्न छुन्जु र सर्जियो बार्बोजुले समान १/१ गोल गरे।

बुटवलका केन्टा हाराले एक गोल फर्काए।

तेस्रो संस्करणको एनएसएल फुटबलमा आज ललितपुर सिटी र पोखरा खेल्दैछन्।

प्रतियोगितामा ७ वटा टोली सहभागी छन्।

लिग चरणमा कूल २१ खेल हुनेछन्।

लिग चरणपछि ४ वटा टोली प्ले–अफमा पुग्नेछन्।

फाइनल खेल वैशाख १३ गते हुनेछ।