नेपाल सुपर लिग: बुटवल र झापा एफसीले अंक बाँड्यो

नेपाल सुपर लिग (एनएसएल) सिजन ३ मा बुटवल लुम्बिनी एफसी र झापा एफसीले गोलरहित बराबरी खेल्दै अंक बाँडेका छन्।

काठमाण्डौंको त्रिपुरेश्वरस्थित दशरथ रंगशालामा (आइतबार) सम्पन्न खेलमा झापाले १० खेलाडीमा सीमित भएको बुटवललाई दबाब दिएपनि गोल गर्न नसक्दा बराबरीमा चित्त बुझायो।

गोलरहित शून्य/शून्यको बराबरी खेलेपछि बुटवल लुम्बिनी एफसी र झापा एफसी दुबैले समान १/१ अंक जोडेका छन्।

खेलको ७० औं मिनेटमा बुटवलका कप्तान एरिक विष्ट दोस्रो पँहेलो कार्ड ब्यहोर्दै मैदानबाट बाहिरिएका थिए।

उद्घाटन खेलमा हिँजो (शनिबार) साबिक विजेता ललितपुर सिटी एफसी र काठमाडौं रेजर्सले पनि २–२ को बराबरी खेलेका थिए।

प्रतियोगितामा सोमबार पोखरा थण्डर्सले एफसी चितवनको सामना गर्नेछ।

खेल साँझ ६ बजे हुनेछ।