पत्रकार सुरेश रजकको हत्याविरुद्ध कास्की पत्रकारको प्रदर्शन

राजधानी काठमाण्डौंमा शुक्रबार भएको राजावादीहरूको आन्दोलनमा एभिन्युज टेलिभिजनका क्यामरा पर्सन सुरेश रजकको हत्या र संचार

माध्यमहरूमाथि भएको आक्रमणको विरोधमा नेपाल पत्रकार महासंघ कास्कीले शनिबार बिहान पोखराको सहिद चोकमा विरोध प्रदर्शन र शोक सभा गरेको छ।

महासंघ कास्की परिसरबाट र्‍यालीसहित सहिदचोक पुगेका कास्की पत्रकारहरूले रजकप्रति भावपूर्ण श्रद्धाञ्जली अर्पण गरेका छन्।

घटनाको छानबिन गरी दोषीलाई कारवाही गर्न यहाँका पत्रकारहरुले माग गरेका छन्।

महासंघ कास्कीका अध्यक्ष माधवप्रसाद बरालले लोकतन्त्रमा प्रेस स्वतन्त्रताको सुनिश्चितता हुनुपर्ने माग राखेका छन्।

बरालले अराजक समूहबाट भएको हत्या, कुटपिटको भत्र्सनासमेत गरेका छन्।

शोक सभामा लोकतान्त्रिक गणतन्त्र पक्षधर पत्रकार संगठनका प्रतिनिधिले मृतक रजकप्रति श्रद्धाञ्जली व्यक्त गरेका छन्।

हत्या गरिएका पत्रकार रजकको शोकाकुल परिवारजनमा यहाँका पत्रकारहरुले समवेदना व्यक्त गरेका छन्।

सभामा सहभागीले प्रेस स्वतन्त्रताको पक्षमा प्लेकार्डसहित प्रदर्शन गरेका छन्।