प्रधानमन्त्री कप क्रिकेट: गण्डकीका अर्जुन कुमाल उत्कृष्ट ब्याट्सम्यान

गण्डकी प्रदेशका अर्जुन कुमाल प्रधानमन्त्री कप क्रिकेट प्रतियोगिताको उत्कृष्ट ब्याट्सम्यान घोषित भएका छन्।

उत्कृष्ट ब्याट्सम्यानका रूपमा अर्जुनले बजाजको एनएस–२०० मोडेलको मोटरसाइकल र मेडल प्राप्त गरेका छन्।

अर्जुनले ९ खेलमा सर्वाधिक ३ सय ७४ रन बनाए।

सो क्रममा उनले एक शतकसहित ४२ वटा चौका र २ वटा छक्का प्रहार गरे।

त्यस्तै, यस प्रतियोगितामा नेपाल पुलिस क्लबका बलर ललितनारायण राजवंशी उत्कृष्ट बलर बने।

उत्कृष्ट बलर बनेका ललितले बजाजको २ वटा एनएस–२०० मोडेलको मोटरसाइकल प्राप्त गरे।

प्रतियोगिताको उत्कृष्ट खेलाडी र उत्कृष्ट बलर बनेका ललितले २ वटा एनएस–२०० मोडेलको मोटरसाइकल पुरस्कार पाएका हुन्।

राजवंशीले फाइनलसहित गरी १० खेलमा ४१ विकेट लिएका थिए।

यस्तै, नेपाल आर्मीका तृतराज दास उदीयमान खेलाडी घोषित भए।

उनले ५० हजार रुपैयाँ नगदसहित क्रिकेट कीट प्राप्त गरेका छन्।