बागलुङको ताराखोला–२, अर्गलमा बन्यो सामुदायिक भवन

बागलुङको ताराखोला गाउँपालिका–२ अर्गलमा टोलविकास संस्था र आमा समूह भवन निर्माण कार्य सम्पन्न भएको छ।

ताराखोलाको सो वडाभित्र पर्ने अर्गलमा आज (सोमबार) नवनिर्मित ९ नम्बर टोल विकास संस्था र आमा समूहको भवनको उद्घाटन गरिएको छ।

ताराखोला गाउँपालिका अध्यक्ष धनबहादुर बि.क. ‘हिमाल’ उपाअध्यक्ष भिमबहादुर रोका, वडा नं. २ का वडाध्यक्ष भद्रबहादुर घर्ती ‘सोनाम’ लगायतले स्थानीयको उपस्थितिमा आमा समुहको भवनसहित संयुक्त उद्घाटन गरेका हुन्।

ताराखोला गाउँपालिकाबाट ९ लाख, स्थानीयको २ लाख २ हजार ५ सय, रानीबन स्वास्थ्य समूहबाट ४ लाख, ९ नम्बर टोलविकास समितिको ५० हजार गरी कूल १५ लाख, ५२ हजार ५ सय रुपैयाँको लागतमा भवन निर्माण गरिएको हो।

भवनको निर्माण कार्य सकिएसँगै ९ नम्बर टोलका ५९ घरधुरी लाभान्वित हुनेछन्।

विभिन्न समाजिक कार्यका लागि सो भवन प्रयोग हुनेछ।

भवन निर्माण समितिका अध्यक्ष यामबहादुर घर्तीको अध्यक्षतामा उद्घाटन कार्यक्रम सम्पन्न भएको हो।