माछापुच्छ्रे पोखरा ओपन तथा भेट्रान्स टेनिस प्रतियोगिता जारी

मेन्स सिंगल, मेन्स डबल्स, बुम ओपन्स, ३५, ४५ र ५५ वर्षमाथिको मेन्स सिंगल, डबल्स इभेन्टका खेलहरु जारी छ

जनसम्मत
पौष १२, २०८१, शुक्रबार

पोखरामा २१ औं संस्करणको माछापुच्छ्रे पोखरा ओपन तथा भेट्रान्स टेनिस प्रतियोगिता जारी छ।

कास्की जिल्ला टेनिस संघले आयोजना गरेको प्रतियोगिताको देस्रो दिन (शुक्रबार) ४५ वर्षमाथिको मेन्स सिंगलको प्रतिस्पर्धात्मक खेलमा संदुक लामाले गोपीबहादुर भट्टराईलाई ६–४, २–६ र सुपर टाईमा १२–१० ले पराजित गरे।

सुपरटाईमा ८–३ को अग्रता जोगाउन नसक्दा आशा गरिएका पोखरेली खेलाडी भट्टराई पराजित हुन पुगे।

त्यस्तै, कोरियाका जुजुमान किमले प्रकास बस्नेतलाई ६–३, ३–६ र सुपर टाईमा १०–७ ले पराजित गरे।

सोही उमेर समुहका अन्य खेलहरुमा सुनिल श्रेष्ठले डा.देव थापालाई ६–४, ६–३ ले पराजित गरे।

लाक्पा तेम्बा शेर्पाले मनिष श्रेष्ठमाथि ६–१, ६–४ ले जीत निकालेका छन्।

यसैगरी, मेन्स डबल्सतर्फ नेहाल जंगबहादुर थापा र आरब हाडाको जोडीले पोखराका शास्वत बज्राचार्य र दर्शिल श्रेष्ठको जोडीमाथि ६–२, ६–१ ले पराजित गरेका छन्।

प्रदीप खड्का र उगेन शेर्पाको जोडीले विवेक मगर र सन्दीप विकको जोडीलाई ६–१, ६–१ ले हराएका छन्।

नविन पाइजा र आयुषमान हजुर घलेको जोडीले हर्षवर्दन राव र प्रफुल्ल श्रेष्ठको जोडीलाई पराजित गरे।

यस्तै, वुमन्स ओपनतर्फ स्वस्तिका विष्टले डेचेन छोडेनलाई ६–०, ६–० ले हराइन्।

त्यसैगरी, जेनी खड्काले आहना शेरचनलाई ६–०, ६–० ले पराजित गरिन्।

३५ वर्षमाथिको मेन्स सिंगलमा जितेन्द्र परियारले डा.मदन थापालाई ६–०, ६–० ले पराजित गरे।

३५ वर्ष माथिको मेन्स डबल्समा पोखराका राजन पौडेल र शरण गुरुङकको जोडीले पोखराकै दुर्गा सुनार र नवराज शर्माको जोडीलाई पराजित गरे।

हिमाल शाह र देव क्षत्रीको जोडीले सोनाम तोक्दे र पेमा नोर्बुको जोडीलाई हराए।

गगन महर्जन र भिष्म गुरुङको जोडीले सोम राना र अनिल सेन्चुरीको जोडीमाथि जीत निकाले।

विकास गुरुङ र प्रकाश गुरुङको जोडीले निरज थापा र राज गुरुङको जोडीलाई पराजित गर्दै दोश्रो चरणमा स्थान बनाएका छन्।

४५ वर्ष माथिको डबल्समा भिष्मराज पौडेल र रोहित सुनुवारको जोडीले किसान थापा र किशोर गुरुङको जोडीलाई ६–१, ६–२ ले हराएका छन्।

त्यसैगरी, केवी लामा र विष्णु बानियाँको जोडीले दोर्जे लामा र लोक गुरुङको जोडीलाई पराजित गरेका छन्।

५५ वर्ष माथिको मेन्स डबल्समा अनु जोन र विनोद कायस्थको जोडीले इन्द्र गुरुङ र अनिल तुलाचनको जोडीलाई ६–३, २–६ र सुपर टाईमा १०–३ को प्रतिस्पर्धात्मक सेटमा जित निकालेका छन्।

अर्को प्रतिस्पर्धात्मक खेलमा पोखराका धरमबहादुर लामिछाने र मनु त्रिपाठीको जोडीले उत्तम शेर्पा र जीत पौडेलको जोडीसँग ६–२, ४–६ र सुपर टाईमा १०–४ ले पराजित हुन पुगेका छन्।

लोक गुरुङ र पदम गुरुङको जोडी शुदर्शन विष्ट र जिवन घिमिरेको जोडीसँग ६–३, ६–३ ले पराजित भएका छन्।

अन्य खेलहरु जारी रहेको टुर्नामेन्ट डाइरेक्टर कुमार अधिकारीले जानकारी दिएका छन्।