यु–१९ को एकदिवसीय अभ्यास श्रृंखलामा नेपालको क्लिन स्वीप

दिल्लीको १९ वर्षमुनिको टोलीसँगको एकदिवसीय क्रिकेटको अभ्यास श्रृंखला खेलमा नेपालको यु–१९ टोलीले क्लीन स्वीप गरेको छ।

दिल्लीको १९ वर्षमुनिको टोलीसँगको ३ खेलको एकदिवसीय क्रिकेटको अभ्यास श्रृंखला नेपाली युवा टोलीले क्लीन स्वीप गरेको हो।

वीरगञ्जमा भएको तेस्रो खेलमा दिल्लीलाई ५१ रनले पराजित गर्दै नेपालले श्रृंखला क्लीन स्वीप गरेको हो।

यसअघि, लगातार २ खेल जितेर नेपालले श्रृंखला जितिसकेको थियो।

आज (शनिबार) नेपालले दिएको १२३ रनको लक्ष्य पछ्याएको दिल्ली १७ ओभरमा ७१ रन बनाउँदै अल आउट भयो।

त्यसअघि, ब्याटिङ गरेको नेपाल ३९ ओभर ४ बलमा १२२ रन बनाएर अल आउट भयो।

विश्वकप छनोटको तयारीका लागि दिल्लीसँग ३ खेलको श्रृंखला खेलेपछि नेपालले अफगानिस्तानसँग पनि ३ खेलको श्रृंखला खेल्नेछ।

अफगानिस्तानसँगको श्रृंखला चैत २१ देखि मुलपानीमा हुनेछ।

नेपालले चैत अन्तिम हप्तादेखि आइसीसी १९ वर्षमुनिको विश्वकपअन्तर्गत एशिया छनोट आयोजना गर्दैछ।