यु–१९ महिला टी–२० विश्वकपको प्लेअफमा नेपालको जित

यु–१९ महिला टी–२० विश्वकप क्रिकेटको प्लेअफमा नेपालले आयोजक घरेलु मलेसियालाई ७ विकेटले हराएको छ।

मलेसियाको जोहोर एकेडेमी क्रिकेट मैदानमा घरेलु मलेसियाले दिएको ४६ रनको लक्ष्य पछ्याएको नेपालले ११ ओभरमा ३ विकेट गुमाएर भेट्टायो।

नेपालकी कप्तान पूजा महतोले नटआउट २३ रन बनाइन्।

मलेसियाकी मस्र्या अब्दुल्लाहले ३ विकेट लिइन्।

यसअघि, टस हारेर ब्याटिङको निम्तो पाएको मलेसिया १६ ओभर ५ बलमा ४५ रनमा अलआउट भयो।

मलेसियाकी नुरिमन हलिदले सर्वाधिक १५ रन बनाइन्।

मलेसियाकी अन्य खेलाडीको दोहोरो अंकमा रन बनाउन सकेनन्।

नेपालकी पूजा महतोले सर्वाधिक ४ रन बनाइन्।

त्यसपछि, रचना चौधरीले ३ रन बनाइन्।

रिया शर्मा र सीमाना केसीले १/१ विकेट लिए।

आइसीसी यु–१९ महिला टी–२० विश्वकपमा नेपालको यो पहिलो जीत हो।

मलेसिया भने जीतविहीन रह्यो।

दुवै टोली प्रतियोगिताबाट बाहिरिइसकेका छन्।

नेपाल पहिलो खेलमा बंगलादेशसँग ५ विकेट पराजित बन्यो।

त्यसैगरी, दोस्रो खेलमा स्कटल्यान्डसँग १ विकेटले पराजित भएको थियो।

तेस्रो खेलमा अस्ट्रेलियासँग ८३ रनले पराजित बनेको थियो।

यस्तै, मलेसियाले पनि भारत, श्रीलंका र वेस्ट इन्डिजसँग हार बेहोरेको थियो।