योगेन्द्र श्रेष्ठ, राष्ट्रिय फोटो पत्रकार समूह कास्कीको अध्यक्ष

राष्ट्रिय फोटो पत्रकार समूह कास्की शाखाको अध्यक्षमा योगेन्द्र श्रेष्ठ सर्वसम्मत चयन भएका छन्।

समूहको मंलबार पोखरामा सम्पन्न अधिवेशनले श्रेष्ठको नेतृत्वमा सर्वसम्मत ९ सदस्यीय नयाँ कार्यसमिति गठन गरेको हो।

एनएफपीजेको उपाध्यक्षमा वसन्त शेर्पा, सचिवमा प्रेम थापा, कोषाध्यक्षमा गणेश बज्रलामा, सह–सचिवमा माधव पोखरेल चयन भएका छन्।

त्यस्तै, कार्यसमिति सदस्यमा हुमबहादुर गुरुङ, अभिनन्दन बजिमय, मदनमणि तिमिल्सिना, सागर ढकाल चयन भएका छन्।

कार्यक्रममा बोल्दै केन्द्रीय अध्यक्ष प्रदीपराज वन्तले संस्थागत रुपमा अग्रज फोटो पत्रकारहरुसँग समन्वय गरेर काम गर्ने साथै नवनिर्वाचित कार्यसमितिलाई हार्दिक बधाई तथा सफल कार्यकालको शुभकामना व्यक्त गरे।

कार्यक्रममा राधिका कँडेलले फोटो पत्रकारको हकहितमा काम गर्न आग्रह गरिन्।

कार्यक्रममा बोल्दै नवनिर्वाचित अध्यक्ष योगेन्द्र श्रेष्ठले फोटो पत्रकारहरूको हकहितका क्षेत्रमा सक्रियताका साथ काम गर्ने प्रतिबद्धता जनाए।

आगामी नयाँ वर्षको उपलक्ष्यमा संस्थाको संस्थागत भित्तेपात्रो प्रकाशन गर्ने, फोटो पत्रकारको प्रोत्साहनका लागि विभिन्न पुरस्कारहरु स्थापना गर्ने र पोखरामा फोटो प्रर्दशनी आयोजना गरिने श्रेष्ठले बताए।

श्रेष्ठले फोटो प्रर्दशनी सफल बनाउन सबैलाई आग्रहसमेत गरे।