राजावादीको आगजनीमा पत्रकार सुरेश रजकको निधन

राजावादीको आगजनीमा परेर पत्रकार सुरेस रजकको मृत्यु भएको छ।

राजधानीको तीनकुनेमा शुक्रबार दिउँसो राजावादी समर्थक प्रदर्शनकारीले आगजनी गरेको भवनमा भिडियो खिच्न पुगेका पत्रकार रजकको निधन भएको हो।

एभिन्युज टेलिभिजनमा भिडियो पत्रकारका रुपमा कार्यरत रजकको आगलागी भएको भवनमा फसेर निधन भएको हो।

आगलागी भएको भवनमा भिडियो खिच्नेक्रममा जलेर मृत्यु भएको एभिन्युजको खबरमा उल्लेख छ।

आगलागीपछि भवनबाट रजकको जलेको शव फेला परेको थियो।

राजावादीले आगो लगाएको तीनकुनेस्थित भवनमा भेटिएको शव पत्रकार सुरेश रजकको भएको प्रहरीले पुष्टि भएको छ।

नेपाल प्रहरीका केन्द्रीय प्रवक्ता डीआईजी दिनेशकुमार आर्चायले शबको पहिचान भएको जनाएका छन्।

राजावादीले प्रदर्शनका क्रममा समाचार कभर गर्न पुगेका एभिन्युजका पत्रकारको मृत्यु आगजनीबाट भएको प्रहरीले जनाएको हो।

उनको शव जलेको अवस्थामा प्रहरीले फेला पारेको थियो।

एभिन्युजका संचालक भाष्करराज राजकर्णिकारले आगलागीमा परेका पत्रकारको उद्धार हुन नसक्दा दु:खद् घटना भएको बताएका छन्।