स्याङ्जाको कालिगण्डकी गाउँपालिका कार्यसम्पादनमा गण्डकी प्रदेशकै सर्वोत्कृष्ट

स्याङ्जाको कालिगण्डकी गाउँपालिका कार्यसम्पानमा गण्डकी प्रदेशकै सर्वोत्कृष्ट पालिका बनेको छ।

कार्यसम्पादन मूल्यांकनको आधारमा स्याङ्जाको कालिगण्डकी गाउँपालिका गण्डकी प्रदेशभरकै सर्वोत्कृष्ट पालिका भएको हो।

प्राकृतिक स्रोत तथा वित्त आयोगले सार्वजनिक गरेको नतिजाअनुसार कालिगण्डकीले ७८.२ अंक प्राप्त गर्दै सर्वोत्कृष्ट बनेको हो।

आन्तरिक आम्दानीको प्राप्ति, विभाज्य कोषमा दाखिला भएको रकम, विनियोजन अनुसारको खर्च बजेट, बेरुजु, आवधिक योजना निर्माणको अवस्था, शैक्षिक र स्वास्थ्य गतिविधिलगायत मूल्यांकन गरेर नतिजा निकालिएको हो।

गण्डकीका १४ वटा पालिकाले ७० अंक पार गरेका छन्।

जसमध्ये, स्याङ्जाकै आँधिखोला गाउँपालिकाले ७८ अंक पाएको छ।

त्यसैगरी, स्याङ्जाकै फेदीखोलाले ७७.९ अंक प्राप्त गरेको छ।

लमजुङको बेंसीशहर नगरपालिकाले ७४.७ अंक प्राप्त गरेको छ।

स्याङ्जाको विरुवा गाउँपालिकाले ७४.३ अंक प्राप्त गरेको छ।

यसैगरी, स्याङ्जाकै वालिङ नगरपालिकाले ७३.७ अंक प्राप्त गरेको छ।

स्याङ्जाकै पुतलीबजार नगरपालिकाले ७१.५ अंक ल्याएको छ।

पर्वतको महाशिला गाउँपालिकाले ७३.६ अंक प्राप्त गरेको छ।

त्यस्तै, पर्वतको जलजला गाउँपालिकाले ७०.१ अंक ल्याएको छ।

नवलपुरको विनयी त्रिवेणी गाउँपालिकाले ७३.२ अंक पाएको छ।

नवलपुरकै गैडाकोट नगरपालिकाले ७०.९ अंक ल्याएको छ।

तनहुँको भानु नगरपालिकाले ७१.४ अंक प्राप्त गरेको छ।