पोखरा महानगर खेलकुद विकास समितिले पोखरामा विविध खेलकुद कार्यक्रमसँगै मार्शल आर्ट महोत्सव आयोजना गर्ने भएको छ।
समितिले सोमबार एक पत्रकार सम्मेलन आयोजना गरी २०८०÷०८१ को खेलकुद बजेटअनुसार उक्त कार्यक्रम गर्न लागिएको जनाएको हो।
मार्शल आर्ट महोत्सवअन्तर्गत मार्शल आर्ट खेलका ८ विभिन्न क्याटागोरी समावेश गरिएको समितिले जनाएको छ।
मार्शल आर्ट महोत्सवअन्तर्गत कराँते, तेक्वान्दो, उसु, फुल कन्ट्याक्ट कराँते, आइटीएफ तेक्वान्दो, जुडो, फेन्सिङ र हाप्किडोतर्फका खेलहरु हुनेछन्।
हरेक खेलका २ इभेन्ट र ४ वटा तौलमा प्रतिस्पर्धा गर्न लागिएको खेलकुद विकास समितिका अध्यक्ष दिपक गोदारले बताए।
त्यसैगरी, कास्की जिल्ला बक्सिङ संघको समन्वयमा राष्ट्रिय बक्सिङ प्रतियोगिता, तेस्रो मेयर कप राष्ट्रिय साइक्लिङ प्रतियोगिता, राष्ट्रिय मुआथाई प्रतियोगिता, पोखरा राष्ट्रिय रग्बी सेभेन्स प्रतियोगिता, राष्ट्रिय फेन्सिङ प्रतियोगिता, पोखरा महानगर विद्यालयस्तरीय ब्याडमिन्टन प्रतियोगिता, १० किमि पुरुष तथा महिला सडक दौड प्रतियोगिता र विद्यालयस्तरीय हक्की प्रतियोगिता तय गरिएका छन् भने विद्यालय खेलकुद शिक्षक तालिम समेत संचालन गरिनेछ।
कार्यक्रम अन्तर्गत १० किमि पुरुष तथा महिला सडक दौड प्रतियोगिता यही बैशाख १९ गते संचालन हुनेछ।
त्यस्तै, अन्य कार्यक्रमहरु बैशाखदेखि जेठको दोस्रो सातासम्म सम्पन्न गरिने समितिले योजना बनाएको छ।
पत्रकार सम्मेलनमा पोखरा महानगरका मेयर घनराज आचार्यले नवौं राष्ट्रिय खेलकुद प्रतियोगितामा प्रदेशको प्रतिनिधित्व गर्दै विजेता बन्न सफल पोखरा महानगरका २६३ जना खेलाडी तथा प्रशिक्षकहरुलाई नगदसहित सम्मान गरिसकेको जनाए।
अब, दशौंको तयारीका लागि पोखरा महानगर योजनावद्ध रुपमा अघि बढ्ने मेयर आचार्यले बताए।
उनले राष्ट्रिय तथा अन्तर्राष्ट्रिय क्षेत्रमा पोखराको गौरव बढाउने खेलकुद प्रतियोगिताहरुलाई सहयोगको निरन्तरता दिने गरी पोखरा महानगर अघि बढेको बताए।
खेलकुदमार्फत पर्यटन प्रवद्र्धन गर्ने महानगरको प्रमुख उद्धेश्य रहेको उनले उल्लेख गरे।
मेयर आचार्यले चालु आर्थिक वर्षमा लेखनाथ हाफ म्याराथनसहित ८ विभिन्न प्रतियोगिताहरु सम्पन्न गरिसकेको जनाए।
पोखराको खेलकुद विकासका लागि पोखरा रंगशाला र अन्य पूर्वाद्धारहरु महानगर मातहत ल्याउन समेत पहल भइरहेको स्पष्ट पारे।
‘मुलुकमा संघीयता आयो तर खेलकुदमा अझै प्रभावकारी बन्न सकेको छैन’, उनले भने, ‘पोखरा रंगशाला हाम्रो मातहत वा प्रदेश मातहत ल्याउने प्रयासलाई हामीले अघि बढाएका छौं। त्यसमा यूवा तथा खेलकुद मन्त्रालय समेत सकरात्मक छ।’
मेयर आचार्यले एक प्रश्नको जवाफमा चालु वर्षमा करिव ३ करोड खर्च भइसकेको जानकारी दिए।
आगामी वर्षका लागि नयाँ योजनाका साथ अघि बढ्न सबै खेल संस्थाहरुलाई प्रस्ताव माग गरी अघि बढ्ने मेयर आचार्यको भनाई छ।
उनले ट्रायथलन, इन्डोरो, म्याराथन, आहा रारा पोखरा गोल्ड कपलगायत अन्य खेलकुद प्रतियोगिताहरुलाई क्यालेण्डरमा राखेर अघि बढाउने गरी आगामी वर्षका लागि खेलकुदमा बजेट बढ्ने प्रतिवद्धतासमेत जनाए।
सो अवसरमा पोखरा महानगर खेलकुद विकास समितिका सदस्य सचिब सुवास खड्काले समेत विभिन्न प्रतियोगिताहरुबारे जानकारी दिएका थिए।
समाजवाद स्थापना नभएसम्म क्रान्ति जारी रहन्छ
अस्ट्रेलियाको बालबालिकालाई सामाजिक सञ्जाल प्रयोगमा प्रतिबन्धको प्रस्ताव
पोउवा संघको सामाजिक विकास केन्द्रले बाल दिवस मनायो
नेपालले जित्यो, कर्नाटकसँगको यु–१९ पुरुषतर्फको अभ्यास खेल
स्थानीय तह निर्वाचनमा संचार जगतको विशेष भूमिका हुन्छ
एनपीएलको प्रत्यक्ष प्रसारण सम्झौता अवैधानिक छ
सकियो मुस्ताङको लोमन्थाङ चिनाउने दुई गीतको छायांकन (हेर्नुहोस, ८ फोटो फिचरसहित)
जोर्ज जोन सरले देखेको त्यति बेलाको पोखरा ...
आइसीसीको महिला टी–२० वरीयतामा नेपाल यथावत स्थानमा
सरकारलाई दिएको समर्थन माओवादीले फिर्ता लियो
चिनियाँ राष्ट्रपति सी चिनफिङ नेपालको राजकीय भ्रमणमा रहँदा उनको स्वागत एवं सम्मान, सी विभिन्न कार्यक्रममा सरिक हुँदा र विदाईको फोटोहरु (हेर्नुहोस, ३७ फोटो सहितको फोटो फिचर)
२०१९ को डिसेम्बरभित्रै साग गेम हुने नेपाल ओलम्पिक कमिटी अध्यक्ष जीवनराम श्रेष्ठको दावी
१३ औं दक्षिण एशियाली खेलकुद ‘साग’को प्रतिक चिन्ह लोगो र म्यासकट सार्वजनिक
पोखरामै एसएलसी पास गर्ने पहिलो व्यक्ति वीरेन्द्रकुमार बाटाजू
समाजवाद स्थापना नभएसम्म क्रान्ति जारी रहन्छ
अस्ट्रेलियाको बालबालिकालाई सामाजिक सञ्जाल प्रयोगमा प्रतिबन्धको प्रस्ताव
पोउवा संघको सामाजिक विकास केन्द्रले बाल दिवस मनायो
नेपालले जित्यो, कर्नाटकसँगको यु–१९ पुरुषतर्फको अभ्यास खेल
स्थानीय तह निर्वाचनमा संचार जगतको विशेष भूमिका हुन्छ
एनपीएलको प्रत्यक्ष प्रसारण सम्झौता अवैधानिक छ
९ सामाजिक सञ्जालहरु (युट्युब/फेसबुक पेज) कारवाहीमा
यु–१९ पुरुषतर्फको चौथो अभ्यास खेलमा नेपाल पराजित
