आइसीसी विश्वकप क्रिकेटमा भारतले अष्ट्रेलियालाई हरायो

इङल्यान्डमा जारी विश्वकप क्रिकेट प्रतियोगिता अन्तरगत दुई बलिया टोलीको भिडन्तमा भारतले बाजी मारेको छ ।

लण्डनमा भएको खेलमा भारतले अस्ट्रेलियाविरुद्ध ३६ रनको जित निकालेको हो ।

भारतले पहिले ब्याटिङ गरेर ५ विकेट गुमाउँदै ३ सय ५२ रनको लक्ष्य दिएको थियो । जवाफी ब्याटिङमा उत्रिएको अस्ट्रेलियाले पूरै ५० ओभर खेलेर १० विकेट गुमाउँदै ३ सय १६ रनमा समेटियो । भारतलाई जिताउने क्रममा ब्याटिङतर्फ शिखर धवन र बलिङतर्फ भुवनेश्वर कुमार र जसप्रित बुम्राहले महत्वपूर्ण योगदान दिए । १ सय ९ बलको सामना गरेका शिखर धवनले १६ छक्काको मद्दतमा १ सय १७ रनको शानदार स्कोर गरे ।

बलिङतर्फ भुवनेश्वर र जसप्रितले भारतका लागि समान ३ विकेट लिए । भारतको जितमा कप्तान विराट कोहलीले ७७ बलमा ८२ रनको योगदान दिए । त्यस्तै, हार्दिक पान्ड्याले २७ बलमा ४८ रन बनाए । महेन्द्रसिंह धोनीले १४ बलमा २७ रन बनाएर भारतको पारी उकास्न मद्दत गरे ।

पराजित अस्ट्रेलियाका लागि स्टेभन स्मिथले ७० बलमा सर्वाधिक ६९ रनको योगदान दिए। त्यस्तै, डेभिड वार्नरलले ८४ बलमा ५६ रन बनाए । त्यस्तै, एलेक्स क्यारीले ३५ बलमा ५५ रन बनाए । बलिङतर्फ अस्ट्रेलियाका लागि मार्कुस स्टोनिसको नाममा २ विकेट रह्यो । अन्य तीनजनाले व्यक्तिगत एक÷एक विकेट लिन सफल भए ।