लिग–२ त्रिदेशीय श्रृंखलामा नेपाल र ओमानको खेल रद्द

विश्वकप क्रिकेट लिग–२ अन्तर्गत नेपाल र ओमानबीचको खेल वर्षाका कारण रद्द भएको छ।

क्यानडाको किङ्स सिटी क्रिकेट मैदानमा नेपाली समयअनुसार गएराति पौने ९ बजे शुरु हुनुपर्ने खेल वर्षाका कारण चालु हुन सकेन।

खेल रद्द भएपछि दुवै टोलीले १/१ अंक बाँडेका छन्।

त्रिदेशीय श्रृंखलामा लगातारको हारका कारण दबाबमा रहेको नेपालले यो श्रृंखलाको आफ्नो अन्तिम खेल ओमानसँग खेल्न पाएन।

पहिलो खेलमा क्यानडासँग १ सय ३ रनले हारेको नेपाल दोस्रो खेलमा ओमानसँग १ विकेटले र तेस्रो खेलमा क्यानडासँग ५ विकेटले हारेको थियो।

त्रिदेशीय श्रृंखलामा ८ वटा टोलीको सहभागिता रहेको लिग–२ को अंक तालिकामा नेपाल ८ खेलबाट ३ अंकका साथ पुछारबाट दोस्रो स्थानमा छ।

ओमान ७ खेलबाट ६ अंकका साथ छैटौँ स्थानमा छ।

क्यानडा ११ खेलबाट १४ अंकका साथ शीर्ष स्थानमा छ।

एकदिवसीय श्रृंखलापछि यही असोज १२ देखि १७ गतेसम्म नेपाल, ओमान र क्यानडाबीच टी–२० श्रृंखला हुने तालिका छ।

तस्बीरः एजेन्सी