एएफसी यु–२० छनोटबाट नेपाल बाहिरियो

नेपाल एएफसी २० वर्षमुनिको एशियन कपमा छनोट हुन असफल भएको छ।

न्यु ताइपेई सिटीमा शुक्रबार भएको समूह चरणको अन्तिम खेलमा नेपाल बहराइनसँग ४–० गोलले हार्न पुग्यो।

प्रतियोगिताअनतर्गत नेपालको ४ खेलमा १ जीत र ३ हार भयो।

समूह ‘बी’ मा रहेको नेपाल पहिलो खेलमा कम्बोडियासँग ४–१ गोलले पराजित भएको थियो।

दोस्रो खेलमा भने नेपालले घरेलु टोली चाइनिज ताइपेईलाई २–१ गोलले हराएको थियो।

यस्तै, तेस्रो खेलमा नेपाल उज्बेकिस्तानसँग ६–० गोलले पराजित भएको थियो।

२० वर्षमुनिको एशियन कप छनोट आउँदो वर्ष चीनमा हुँदैछ।