साफ यु–१७ च्याम्पियनसीपमा भारत च्याम्पियन

भारतले लगातार दोस्रोपल्ट साफ यु–१७ च्याम्पियनसीपको उपाधि जितेको छ।

चाम्लिमिथाङ रंगशालामा सोमबार भएको खेलमा भारतले बंगलादेशलाई २–० ले हराउँदै उपाधि जितेको हो।

अघिल्लो संस्करमा भारतले नेपाललाई ४–० ले हराउँदै उपाधि जितेको थियो।

यसपल्ट भने सेमिफाइनलमा नेपाललाई ४–२ ले पराजित गर्दै भारतले लगातार दोस्रोपल्ट फाइनलमा प्रवेश गरेको थियो।

बंगलादेशले भने पेनाल्टी सुटआउटमा पाकिस्तानालाई ८–७ ले पाखा लगाउँदै फाइनल पुगेको थियो।

समूह चरणमा पनि यी २ टोली भिडेका थिए।

उक्त खेलमा भारतले बंगलादेशलाई १–० ले हराएको थियो।

तस्बीर : एजेन्सी