इडब्ल्युभिएलः काठमाण्डौंको पहिलो जित

एभरेस्ट महिला भलिबल लिग (इडब्ल्युभिए) मा काठमाडौं स्पाइकर्सले पहिलो जित निकालेको छ।

त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा काठमाडौंले चितवन शक्तिलाई ३–१ को सेटमा जित निकालेको हो।

पहिलो सेट २१–२५ ले गुमाएको काठमाडौंले त्यसपछिका ३ सेट २५–१०, २५–२२, २५–१७ ले आफ्नो पक्षमा जित निकाल्यो।

जितसँगै काठमाडौंले २ खेलबाट ३ अंक जोडेको छ।

पहिलो पराजय ब्यहोरेको चितवनको पनि समान २ खेलबाट ३ अंक नै छ।

पहिलो खेलमा काठमाडौंले ललितपुर क्विन्ससँग ३१ को सेटमा पराजित हुँदा चितवनले गण्डकी थन्डर्सललाई ३–१ कै सेटमा हराएको थियो।

अब, बुधबार काठमाडौंले गण्डकी तथा चितवनले मधेश युनाइटेडको सामना गर्नेछन्।