इडब्ल्युभिएल: ललितपुर क्विन्सको लगातार दोस्रो जित

एभरेस्ट महिला भलिबल लिग (इडब्ल्युभिए)मा ललितपुर क्विन्सले लगातार दोस्रो जित दर्ता गरेको छ।

त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा मंगलबार ललितपुरले मधेश युनाइटेविरुद्ध ३–१ सेटको जित निकाल्यो।

ललितपुरले पहिलो सेटमा २५–१५ को सहज जित निकालेको थियो।

दोस्रो सेटको प्रतिस्पर्धामक खेलमा भने ललितपुरले २६–२४ ले आफ्नो पक्षमा जित दर्ता गरायो।

रोमाञ्चक बनेको तेस्रो सेट भने ललितपुरले २४–२६ ले गुमाउन पुग्यो।

चौथो सेट २५–२२ ले आफ्नो पक्षमा पर्दै ललितपुरले अपराजित यात्रालाई कायम राख्यो।

लगातार दोस्रो जितसँगै २ खेलबाट ६ अंक जोडेको ललितपुर शीर्षस्थानमा छ।

दुवै खेलमा पराजित मधेश अंकविहीन छ।

सोमबार भएको पहिलो खेलमा ललितपुरले काठमाडौं स्पाइकर्सलाई ३–१ कै सेटमा हराउँदा मधेश कर्णाली यश्विससँग ३–१ कै सेटमा पराजित भएको थियो।

अब, बुधबार ललितपुरले कर्णाली र मधेशले चितवन शक्तिको सामना गर्नेछन्।

तस्बीर: इडब्ल्युभिएल