इडब्ल्युभिएलः कर्णालीको लगातार तेस्रो जित

एभेस्ट महिला भलिबल लिग (इडब्ल्युभिएल) मा कर्णाली यश्विसले लगातार तेस्रो जित हात पारेको छ।

काठमाण्डौको त्रिपुरेश्वरमा रहेको राष्ट्रिय खेलकुद परिषद् (राखेप) को कभर्ड हलमा आज (बुधबार) भएको खेलमा कर्णालीले ललितपुर क्वीन्सलाई ३–० को सोझो सेटमा हरायो।

कर्णालीले पहिलो सेट २५–२२, दोस्रो सेट २५–२२ र तेस्रो सेट २९–२७ ले जित्यो।

लगातार तेस्रो जितसँगै कर्णालीले ९ अंक जोडेको छ।

प्रतियोगिताको दोस्रो खेलमा अहिले काठमाण्डौ स्पाइकर्स र गण्डकी थन्डर्स खेल्दैछन्।

यस्तै, आजको तेस्रो खेलमा राति पौने ८ बजे चितवन शक्ति र मधेश युनाइटेड खेल्दैछन्।

तस्बीर : इडब्ल्युभिएल