इडब्ल्युभिएलः गण्डकी थन्डर्सको लगातार तेस्रो हार

एभरेस्ट महिला भलिबल लिगमा गण्डकी थन्डर्सले लगातार तेस्रो हार ब्यहोरेको छ।

आज (बुधबार) भएको काठमाण्डौं स्पाइकर्सले गण्डकीलाई पराजित गर्दा गण्डकीको तेस्रो हार भएको हो।

काठमाण्डौ स्पाइकर्सले गण्डकी थन्डर्सलाई ३–१ सेटले हराएको हो।

प्रतिस्पर्धात्मक पहिलो सेटमा काठमाण्डौंले २५–२३ ले आफ्नो पक्षमा नतिजा निकाल्यो।

त्यसपछि, काठमाडौंले दोस्रो सेट २५–१९ ले गुमायो।

तेस्रो सेटमा काठमाडौं २५–२१ ले विजयी बन्यो।

त्यसैगरी, काठमाण्डौंले चौथो सेट २५–१८ ले नतिजा निकाल्यो।

लिगअन्तर्गत ३ खेल खेलेको काठमाण्डौंले २ खेल जित्दै ६ अंक जोडेको छ।

गण्डकीले भने ३ खेलमा एउटै खेल जित्न सकेको छैन र अंकबिहीन छ।

एभरेस्ट महिला भलिबल लिगमा भोलीपनि ३ खेल हुँदैछन्।