इडब्ल्युभिएलः चितवन शक्तिको दोस्रो जित

एभरेस्ट महिला भलिबल लिगमा चितवन शक्तिले दोस्रो जीत निकालेको छ।

त्रिपुरेश्वरको राष्ट्रिय खेलकुद परिषद्को कभर्ड हलमा भइरहेको प्रतियोगितामा आज (बुधबार) भएको अन्तिम खेलमा चितवनले मधेश युनाइटेडलाई ३–१ को सेटमा हराएको हो।

चितवनले पहिलो सेट २५–२० र दोस्रो सेट २५–१९ ले जितेको थियो।

तर, तेस्रो सेट भने १९–२५ ले गुमाउन पुग्यो।

चौथो सेटमा पुनरागमन गर्दै चितवनले २५–२१ को जित निकाल्यो।

३ खेलमा चितवनले दोस्रो खेल जित्दा मधेशले लगातार तेस्रो खेलमा हार बेहोरेको छ।

चितवनले ३ खेलबाट २ खेल जित्दै ६ अंक बटुलेको छ।
महिला भलिबल लिगमा भोलीपनि ३ खेल हुँदैछन्।