क्यानडाले जित्यो त्रिदेशीय टी–२० श्रृंखला

क्यानडाले ४ खेलमा ६ अंक जोड्दै शीर्ष स्थानमा, नेपाल ४ खेलमा ४ अंकसहित दोस्रो र ओमान ४ खेलमा २ अंकसहित अन्तिममा रह्यो

नेपाल सम्मिलित त्रिदेशीय टी–२० क्रिकेट श्रृंखलाको उपाधि क्यानडाले जितेको छ।

गएराति भएको खेलमा ओमानलाई ५ विकेटले हराउँदै शीर्ष स्थानमा रहेर क्यानडाले त्रिदेशीय टी–२० श्रृंखलाको उपाधि जितेको हो।

ओमानले दिएको ८३ रनको लक्ष्य पछ्याएको क्यानडाले १४ ओभर १ बलमा ५ विकेट गुमाएर भेट्टायो।

क्यानडाका लागि निकोलस किर्ताेनले २० रन बनाए । ओमानका कलीमुल्लाह र अकिब इलियासले समान २ विकेट लिए ।

यसअघि, क्यानडाको किङ सिटीमा टस हारेर ब्याटिङ गरेको ओमान १९ ओभर ४ बलमा ८२ रनमा अलआउट भयो।

ओमानका अकिब इलियासले सबैभन्दा धेरै ३५ रन बनाए।

क्यानडाका अखिलकुमार र प्रभिनकुमारले समान ३÷३ विकेट लिए।

त्रिदेशीय टी–२० श्रृंखलामा क्यानडाले ४ खेलमा ६ अंक जोड्दै शीर्ष स्थानमा रह्यो।

नेपाल ४ खेलमा ४ अंकसहित दोस्रो र ओमान ४ खेलमा २ अंकसहित अन्तिममा रह्यो।