एसिया रग्बी सेभेन्स ट्रफीः नेपाली महिला टोली पनि पराजित

एसिया रग्बी सेभेन्स ट्रफीमा महिलातर्फको पहिलो खेलमा नेपाल पराजित भएको छ।

काठमाण्डौंको त्रिपुरेश्वरस्थित दशरथ रंगशलामा शुक्रबार भएको खेलमा नेपाल फिलिपिन्ससँग ३२–० को फरक स्कोरमा पराजित भयो।

यसअघि, नेपालको पुरुष टोली उज्वेकिस्तानसँग २४–० को स्कोरमा पराजित भएको थियो।

यसैगरी, महिलातर्फको पहिलो खेलमा उज्वेकिस्तानले ग्वामलाई १९–१२ को स्कोरले हरायो।

प्रतियोगितामा १६ राष्ट्रको २१ टोलीको सहभागिता छ।

आयोजकका अनुसार पहिलो दिन ३० खेल हुनेछ।

प्रतियोगिता शुक्रबार र शनिबार हुनेछ।

प्रतियोगिताको विजेता टिमले स्वर्ण पदकसहित च्याम्पियन ट्रफी पाउनेछ।