इडब्ल्युभिएलः गण्डकी थन्डर्सको दोस्रो जित

एभरेस्ट महिला भलिबल लिग (इडब्ल्युभिएल) मा गण्डकीले दोस्रो जित निकाल्दै आफ्नो खेललाई अन्त्य गरेको छ।

इडब्ल्युभिएलको आफ्नो अन्तिम खेलमा गण्डकी थन्डर्सले मधेश युनाइटेडविरुद्ध ३–० को सोझो सेटमा जित निकालेको हो।

त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा गण्डकीले खेल २५–१६, २५–१९ २५–१८ ले आफ्नो पक्षमा बनायो।

जितसँगै ५ खेलमा ६ अंक जोडेको गण्डकीले पाँचौं स्थानमा रहेर लिगको अन्त्य गरेको छ।

यसअघि, चितवन शक्ति र काठमाडौं स्पाइकर्ससँग समान ३–१ तथा कर्णाली यश्विससँग ३–२ को सेटमा पराजय ब्यहोरेको गण्डकीले ललिपुर क्वीन्सलाई ३–२ को सेटमा हराएको थियो।