काभा यु–२० च्याम्पियनसीपमा नेपाल उज्वेकिस्तानसँग पराजित

सेन्ट्रल एसियन भलिबल एसोसिएसन (काभा) यु–२० च्याम्पियनसीपमा नेपाल उज्वेकिस्तानसँग पराजित भएको छ।

श्रीलंकाको कोलम्बोमा आज (सोमबार) भएको खेलमा उज्वेकिस्तानसँग नेपाल ३–१ को सेटमा पराजित भएको हो।

उज्वेकिस्तानसँग नेपालले पहिलो सेट २५–१९ ले गुमायो।

त्यसैगरी, दोस्रो सेटमा नेपालले २५–१४ ले गुमायो।

तेस्रो सेट भने नेपालले उज्वेकिस्तानलाई २९–२७ ले जित्यो।

नेपाल चौथो सेटमा नेपाल २५–१५ ले पराजित हुन पुग्यो।

प्रतियोगितामा नेपालको यो पहिलो हार हो।

हिँजो (आइतबार) खेलेको पहिलो खेलमा नेपालले श्रीलंकाविरुद्ध ३–० को सोझो सेटमा जित निकालेको थियो।

असोजको २६ गतेसम्म कोलम्बोमा संचालन हुने उक्त प्रतियोगितामा नेपालले भोलि (मंगलबार) माल्दिभ्ससँग खेल्नेछ।