लिग–२ क्रिकेटमा नेपाल अमेरिकासँग ३७ रनले पराजित

आइसीसी विश्वकप लिग–२ को त्रिदेशीय श्रृंखलामा नेपाल अमेरिकासँग ३७ रनले पराजित भएको छ।

अमेरिकाले दिएको २८२ रनको लक्ष्य पछ्याएको नेपाल ४९ ओभर ५ बलमा २४४ रनमा अलआउट भयो।

नेपालका लागि अनिल साहले सर्वाधिक ५२ रन बनाए।

यस्तै, सोमपाल कामीले ४६ रन बनाए।

अमेरिकाका सौरभ नेत्रावलकरले ४ विकेट लिए।

त्यसअघि, डालासमा रहेको ग्रान्ड प्रेरी स्टेडियममा टस हारेर पहिला ब्याटिङ गरेको घरेलु टोली अमेरिकाले निर्धारित ५० ओभरमा ८ विकेट गुमाएर २८१ रन बनाएको थियो।

अमेरिकाका लागि साइतेजा मुक्कामल्लाले सर्वाधिक ७५ रन बनाए।

यस्तै, कप्तान मोनांक पटेलले ६७ रन जोडे।

हरमित सिंहले ५९ रन थपे।

नेपालका गुलशन झाले ३ विकेट लिए।

यस्तै, सोमपाल कामी र सन्दीप लामिछानेले समान २/२ विकेट लिए।

कुशल भुर्तेलले १ विकेट लिए।

लिग–२ अन्तर्गत यो श्रृंखलाको पहिलो खेलमा पनि नेपाल घरेलु टोली अमेरिकासँग ३ विकेटले पराजित भएको थियो।

नेपालले आफ्नो दोश्रो खेलमा स्कटल्याण्डलाई ५ विकेटले हराएको थियो।

तालिकाको सातौँ स्थानमा रहेको नेपालको ११ खेलमा ५ अंक छ।

१२ खेलमा १६ अंकका साथ अमेरिका तालिकाको शीर्ष स्थानमा उक्लिएको छ।

अब, नेपालले यो श्रृंखलाको आफ्नो अन्तिम खेलमा भोलि स्कटल्याण्डसँग खेल्नेछ।