रवि लामिछानेलाई थप १३ दिन हिरासतमा राख्ने म्याद थपियो

राष्ट्रिय स्वतन्त्र पार्टीका सभापति रवि लामिछानेलाई थप १३ दिन हिरासतमा राख्ने म्याद थपिएको छ।

लामिछानेलाई थप १३ दिन हिरासतमा राख्न अदालतले अनुमति दिएको हो।

सहकारी ठगी, सम्पत्ति शुद्धिकरण र संगठित अपराध आरोपमा कास्की प्रहरी हिरासतमा रहेका लामिछानेलाई आइतबार जिल्ला अदालत कास्कीका न्यायाधीश नवराज दाहालको इजलासले थप १३ दिन हिरासतमा राखेर अनुसन्धान गर्न प्रहरीलाई अनुमति दिएको हो।

कार्तिक २ गते काठमाडौंबाट पक्राउ परेका पहिलोपटक कार्तिक ४ गते ५ दिनको म्याद थप गरेको थियो भने पुनः दोस्रोपटक ७ र तेस्रो पटक १० दिनको म्याद थप भएको थियो।

लामिछानेविरुद्ध कास्की प्रहरीले सहकारी ठगी, संगठित अपराध र सम्पत्ति सुदृढीकरण मुद्दामा अनुसन्धान गरिरहेको छ।

रविसँगै सहकारी ठगी प्रकरणमा हिरासतमै रहेका पूर्वडीआइजी छविलाल जोशी, लिला पछाई र रामकुमार खनाललाई पनि १३ दिन म्याद थप गरिएको छ।