यु–१९ पुरुषतर्फको चौथो अभ्यास खेलमा नेपाल पराजित

यु–१९ पुरुषतर्फको नेपाली क्रिकेट टोली भारतको कर्नाटकको यु–१९ को टोलीसँगको चौथो अभ्यास खेलमा भएको छ।

कर्नाटकको १९ वर्षमुनिको टोलीसँगको खेलमा १९ वर्षमुनिको नेपाली क्रिकेट टोली ५ विकेटले पराजित भएको हो।

नेपालले दिएको १०६ रनको लक्ष्य पछ्याएको कर्नाटकको टोलीले ३७ ओभरमा ५ विकेट गुमाएर भेट्टायो।

कर्नाटकका अक्षत प्रभाकरले २४ रन बनाए।

नेपालका सन्तोष यादवले ३ विकेट लिए।

यसअघि, मूलपानी क्रिकेट मैदानमा टस जितेर ब्याटिङ गरेको नेपाली युवा टोली ३५ ओभर १ बलमा अलआउट भयो।

नेपालका मयन यादवले ३४ र रोशन विकले नटआउट ३४ रन बनाए।

तर, अन्य ब्याटरले दोहोरो अंकमा रन जोड्न सकेनन्।

कर्नाटकका अक्षत प्रभाकरले ५ विकेट लिए।

कर्नाटकको जितसँगै ५ खेलको श्रुंखलामा २–२ को बराबरी भएको छ।

पहिलो खेलमा कर्नाटक १ विकेटले विजयी भएको थियो।

दोस्रो खेलमा भने नेपालले ७ विकेटले जितेको थियो।

यस्तै, तेस्रो खेलमा नेपाल १२१ रनले विजयी भएको थियो।

श्रृंखलाको अन्तिम खेल पर्सि (बिहीवार) हुनेछ।