हेल्प नेपाल स्पोर्ट्स काभा भलिबल क्लब भलिबलको फाइनलमा

नेपालको हेल्प नेपाल स्पोर्ट्स काभा भलिबल क्लब भलिबल च्याम्पियनसीपको फाइनलमा स्थान बनाएको छ।

हेल्प नेपालले माल्दिभ्सको एचडीसीलाई ३–० को सोझो सेटमा सहज जीत निकालेसँगै फाइनलमा स्थान सुरक्षित गरेको हो।

काभा पुरुष भलिबल क्लब च्याम्पियनसीपको उपाधिका लागि हेल्प नेपाल स्पोर्ट्स क्लब र भारतको क्यालिकट हिरोजले फाइनलका लागि शनिबार फाइनल खेल्नेछन्।

च्याम्पियनसीप अन्तर्गत शुक्रबार भएको अन्तिम सेमिफाइनलमा माल्दिभ्सको क्लब एचडीसीलाई ३–० को सोझो सेटमा हराउँदै हेल्प नेपालले भारतको क्यालिकट हिरोजसँगको फाइनल भेट पक्का गरेको हो।

हेल्प नेपालले पहिलो सेट २५–१६ ले सहज जीत निकाल्यो।

त्यसैगरी, दोस्रो सेटमा पनि २५–१८ ले सहज जीत निकाल्यो।

तेस्रो सेट २५–२१ ले सहज जीत निकाल्यो।

यसअघि, आज शुक्रबार नै भएको पहिलो सेमिफाइनल खेलमा क्यालिकट हिरोजले इरानको यु–१८ को जुनियर युवा टोलीलाई ३–१ को सेटमा हराउँदै फाइनलमा स्थान बनाइसकेको छ।