भारतको क्यालिकट हिरोज काभा भलिबल क्लब च्याम्पियन

भारतको क्यालिकट हिरोज काभा भलिबल क्लब च्याम्पियन बनेको छ।

काठमाण्डौंको दशरथ रंगशालास्थित राष्ट्रिय खेलकुद परिषदको कभर्ड हलमा आज शनिबार भएको फाइनल खेलमा हेल्प नेपाल स्पोर्ट्स क्लबलाई हराउँदै क्यालिकट हिरोज च्याम्पियन बनेको हो।

क्यालिकट हिरोजले घरेलु हेल्प नेपाल स्र्पोट्स क्लबलाई ३–१ को सेटमा हराउँदै क्यालिकट हिरोजले उपाधि जितेको हो।

उत्कृष्ट प्रदर्शनसहित हेल्प नेपालले पहिलो सेट २५–२१ मा जीत निकालेको थियो।

त्यसपछिको लगातार ३ सेट हेल्प नेपालले गुमायो।

क्यालिकट हिरोजले हेल्प नेपालमाथि दोस्रो सेट २४–२६ कठिन जीत निकाल्यो।

तेस्रो सेटमा क्यालिकट हिरोजले २५–१४ को अंकमा सहजै जीत्यो।

चौथो सेटमा पनि क्यालिकटले २५–१७ को सहज जीत निकाल्यो।

यस्तै, इरानको यु–१८ वर्षमुनिको टोली काभा पुरुष भलिबल क्लब च्याम्पियनसीपमा तेस्रो भएको छ।

राष्ट्रिय खेलकुद परिषदको कभर्ड हलमा आज (शनिबार) भएको खेलमा माल्दिभ्सको क्लब एचडिसीलाई सोझो ३ सेटमा हराउँदै इरानी टोली तेस्रो भएको हो।