यु–१९ हङकङविरुद्धको एकदिवसीय श्रृंखलामा नेपालको ‘क्लिन स्वीप’

यु–१९ हङकङ विरुद्धको एकदिवसीय क्रिकेट श्रृंखलामा नेपालले ‘क्लिन स्वीप’ गरेको छ।

यु–१९ हङकङ विरुद्धको एकदिवसीय क्रिकेट श्रृंखलामा नेपालले ‘क्लिन स्वीप’ गरेको छ।काठमाण्डौंको जोरपाटीस्थित मूलपानी क्रिकेट मैदानमा आज (शुक्रबार) भएको अन्तिम एकदिवसीय खेलमा हङकङलाई १३० रनले पराजित गर्दै नेपालले श्रृंखलामा ‘क्लिन स्वीप’ गरेको हो।

नेपालले दिएको २६६ रनको लक्ष्य पछ्याएको हङकङले निर्धारित ५० ओभरमा ९ विकेट गुमाएर १३५ रन मात्रै जोड्न सक्यो।

हङकङका लागि प्रित मांगुकियाले अविजित रहँदै अर्धशतकीय पारी खेले।

उनले ८७ बलमा ७ चौकामद्दतले सर्वाधिक ५५ रन बनाए।

अब्दुल समदले २३ रन जोडे।

कप्तान शिव माथुरले १९ रन थपे।

उनीहरूबाहेक कुनैपनि खेलाडीले दोहोरो अंकको रन बनाउन सकेनन्।

हङकङका लागि आरेज दारले ७ रन बनाए।

शायन पुरीले अविजित रहँदै पाँच रन जोडे।

डेनियल मापले ४ रन थपे।

विल वाल्शले ३ रन बनाए।

तरण लौंगानीले २ र म्याथ्यू जेम्स क्लेटनले १ रन जोडे।

यो खेलमा हङकङले अतिरिक्त ५ रन पाएको छ।