यु–१६ महिला मैत्रीपूर्ण फुटबलमा भुटानसँग नेपालको लज्जाजनक हार

यु–१६ महिला मैत्रीपूर्ण फुटबलमा भुटानसँग नेपालले लज्जाजनक हार खेपेको छ।

भुटानको १६ वर्षमुनिको महिला टोलीसँगको मैत्रीपूर्ण फुटबलमा घरेलु नेपाली टोलीमाथि फरक गोलअन्तरले पराजित गरेको छ।

काठमाण्डौंको त्रिपुरेश्वरस्थित दशरथ रंगशालामा भएको खेलमा भुटानले नेपाललाई ५–१ गोलको फरक अन्तरले हरायो।

भुटानकी कप्तान छिरिङ ल्हामो र सोनाम छोगेलले २÷२ गोल गरे। ्

त्यसैगरी, भुटानी उगेन सोमोले १ गोल गरिन्।

घरेलु नेपालकी सबिना तामाङले शान्त्वना १ गोल गरिन्।

नेपालसँग मैत्रीपूर्ण फुटबल खेल्न भुटानको २ उमेर समूहका फुटबल टोली नेपाल भ्रमणमा छ।

यु–१६ र यु–१९ को गरी २ वटा उमेर समूहको महिला फुटबल टोली बुधबार नेपाल भ्रमणमा आएको हो।

यसैगरी, नेपाल र भुटानका १९ वर्षमुनिको मैत्रीपूर्ण फुटबल पर्सि (आइतवार) हुँदैछ।

काठमाण्डौंको त्रिपुरेश्वरस्थित दशरथ रंगशालामै उक्त मैत्रीपूर्ण खेल हुने एन्फाले जनाएको छ।