पोखरामा ‘बाजेको सेकुवा’ मा रिभाइभलको लाइभ कन्सर्ट

पोखरास्थित नेपालको चेन रेष्टुरेण्ट ‘बाजे’ को सेकुवा रेष्टुरेण्टमा रिभाइभल ब्याण्डको लाइभ कन्र्सट हुने भएको छ।

अंग्रेजी नयाँ बर्ष सन् २०२५ को पूर्वसन्ध्या डिसेम्बर ३१ तारिख अर्थात यही पुसको १६ गते साँझ कार्यक्रम गर्न लागेको हो।

कार्यक्रममा पोखराको रिभाइभल व्याण्डले ३ घण्टा सांगितिक प्रस्तुति दिनेछन्।

अतिथि गायकका रुपमा भुमी ढुंगानाको प्रस्तुति रहनेछ।

रेष्टुरेण्टले हरेक बर्ष, पर्व विशेषमा लाइभ कार्यक्रमहरु गर्दै आइरहेको छ।

नयाँ बर्षमा रेष्टुरेण्टले आफ्ना ग्राहकहरुसँग खुसी एवं शुभकामना आदान–प्रदानका लागि कार्यक्रम आयोजना गरिएको रेष्टुरेण्टका संचालक एकराज गिरीले बताएका छन्।

कार्यक्रम पुसको १६ गते साँझ ७ बजेदेखि सुरु हुनेछ।

कार्यक्रममा लायन्स क्लब अफ पोखरा टुरिजम सिटीको सहकार्य रहेको छ।

रिभाइभल पोखराको उदियमान सांगितिक समुह हो।

जसमा गायिका स्वस्ती गुरुङ, रिदम तथा लिड गिटार शंकर गुरुङ, बेस गिटार सागर गुरुङ र ड्रममा सन्जु नेपाली सदस्य छन्।