पोखरा–१५ कार्यालयले आगामी माघ २ गतेदेखि आयोजना गर्न लागेको बृहत खेलकुद महोत्सवको तयारी तीब्रताका साथ अगाडि बढाएको छ।
महोत्सव संयोजक तथा वडासदस्य आशिष भण्डारीकाअनुसार अघिल्ला दुई महोत्सवभन्दा यस पटकको खेलकुद महोत्सवलाई थप परिस्कृत र भव्य रूपमा सम्पन्न गर्नेगरी तयारी अघि बढाइएको छ।
वडास्थित विभिन्न संघसंस्थाले पनि सहयोगी हात अघि बढाएका छन्।
बालबालिकाको क्षेत्रमा कार्यरत ‘राईट फर चिल्ड्रेन’ ले पनि संस्थागत सहयोग गर्ने भएको छ।
खेलकुद महोत्सव सहयोगार्थ उक्त संस्थाले २ लाख ५० हजार रकम प्रदान गर्ने सम्झौता गरेको छ।
संस्थाले फोटो तथा भिडियोग्राफी, डिजिटल बोर्ड डिस्प्ले, खेलाडी जर्सी, साउण्ड सिस्टम तथा टेन्ट, कुर्ची व्यवस्थापनका लागि सहयोग गर्नेछ।
वडा कार्यालयका तर्फबाट वडाध्यक्ष तोरणबहादुर बानियाँ तथा ‘राईट फर चिल्ड्रेन’का तर्फबाट प्रमुख कार्यकारी अधिकृत कृति श्रेष्ठले सम्झौता–पत्रमा हस्ताक्षर गरेका हुन्।
कार्यक्रममा महोत्सव संयोजक एवं वडासदस्य आशिष भण्डारी, वडासदस्य बलराम पौडेल, वडासचिव युवराज पौडेल, ‘राईट फर चिल्ड्रेन’ का परियोजना प्रवन्धक सन्तोष गुरूङ, अधिकृत लक्ष्मी गौतमलगायतको उपस्थिति रहेको थियो।
वडाध्यक्ष बानियाँले वड़ा खेलकुद महोत्सवको अवधारणा अनुरुप स्थानीय तहमा खेलकुदको माध्यमवाट समुदायको सर्वांङ्गीण विकास गर्न केन्द्रीत रही महोत्सवलाई निरन्तरता दिइएको बताए।
उनले यस्ता गरिमाामय संघसंस्थाको सहयोगबाट वडा उत्साहित बनेको र आफूहरुको अभियानलाई अघि बढाउन मद्धत पुग्ने औंल्याए।
‘राईट फर चिल्ड्रेन’ ले पोखरा १५ मा समुदायमा आधारित कार्यक्रम शिशु स्याहार केन्द्र (ईसीडी) शिवशक्ति टोल, निर्मल टोल, गैह्रीगाउँ र पट्नेरीमा संचालन गरिरहेको छ।
यस्तै, स्वास्थ्य शिविरहरु, शिक्षासम्बन्धी कार्यक्रममा पनि सहयोग गरिरहेको छ।
बालबालिकालाई पूरक कक्षा, माध्यमिक तहका विद्यार्थीहरूलाई वृत्ति परामर्श दिएर वडासँग समन्वय सहकार्य गरिरहेको परियोजना प्रवन्धक सन्तोष गुरुङले उल्लेख गरेका छन्।
वडा कार्यालयले आयोजना गरेको खेलकुद महोत्सवको यो तेस्रो संस्करण हो।
माघ ६ गतेसम्म ५ दिन चल्ने प्रतियोगितामा फुटबल, भलिबल, ब्याडमिन्टन, ह्वीलचेयर क्रिकेट, रस्साकसी, दौड, साइक्लिङ, युनी हक्कीलगायतका खेलमा प्रतिस्पर्धा हुनेछ।
‘राष्ट्रिय गरिमा र सामाजिक रूपान्तरणको लागि खेलकुद’ भन्ने नाराका साथ हुने खेलकुद महोत्सवमा विगतका संस्करण भन्दा खेल संख्या र पुरस्कार राशीमा वृद्धि गरिएको छ।
वन विज्ञान अध्ययन संस्थान पोखराको खेल मैदानका साथै वडास्थित विभिन्न संघसंस्थाका खेलकुदस्थलमा प्रतियोगिता संचालन हुनेछ।
लेखनाथ महोत्सवमा हाँजिरीजवाफ प्रतियोगिताले रौनकता थप्दै
पत्रकार दिपक उपाध्याय रक्तदानका सद्भावना दूत
खेलकुद पत्रकार मञ्च, गण्डकीको तेस्रो अधिवेशन माघ १० मा
लेखनाथ महोत्सवको तेस्रो दिन (शनिबार) दर्शकको लोभलाग्दो भिड
पत्रकार सन्तोष गौतमलाई कृष्णसेन मदन स्मृति पत्रकारिता पुरस्कार प्रदान
पोखरामा डा.सन्दुक रुइतलाई श्रीपती समाजसेवा पुरस्कार प्रदान
सकियो मुस्ताङको लोमन्थाङ चिनाउने दुई गीतको छायांकन (हेर्नुहोस, ८ फोटो फिचरसहित)
जोर्ज जोन सरले देखेको त्यति बेलाको पोखरा ...
आइसीसीको महिला टी–२० वरीयतामा नेपाल यथावत स्थानमा
सरकारलाई दिएको समर्थन माओवादीले फिर्ता लियो
चिनियाँ राष्ट्रपति सी चिनफिङ नेपालको राजकीय भ्रमणमा रहँदा उनको स्वागत एवं सम्मान, सी विभिन्न कार्यक्रममा सरिक हुँदा र विदाईको फोटोहरु (हेर्नुहोस, ३७ फोटो सहितको फोटो फिचर)
२०१९ को डिसेम्बरभित्रै साग गेम हुने नेपाल ओलम्पिक कमिटी अध्यक्ष जीवनराम श्रेष्ठको दावी
१३ औं दक्षिण एशियाली खेलकुद ‘साग’को प्रतिक चिन्ह लोगो र म्यासकट सार्वजनिक
पोखरामै एसएलसी पास गर्ने पहिलो व्यक्ति वीरेन्द्रकुमार बाटाजू
लेखनाथ महोत्सवमा हाँजिरीजवाफ प्रतियोगिताले रौनकता थप्दै
पत्रकार दिपक उपाध्याय रक्तदानका सद्भावना दूत
खेलकुद पत्रकार मञ्च, गण्डकीको तेस्रो अधिवेशन माघ १० मा
पत्रकार सन्तोष गौतमलाई कृष्णसेन मदन स्मृति पत्रकारिता पुरस्कार प्रदान
पोखरामा डा.सन्दुक रुइतलाई श्रीपती समाजसेवा पुरस्कार प्रदान
वरिष्ठ पत्रकार नारायण कार्कीलाई श्रीपती सामाजिक पत्रकारिता पुरस्कार प्रदान
‘ताप्लेजुङ संचार स्मारिका’ सार्वजनिक
स्वास्थ्य बीमा रकम १ लाखबाट ५ लाख पु-याउने ! तर, स्रोत खोइ ?