त्रिदेशीय महिला टी–२० अन्तर्राष्ट्रिय क्रिकेटमा नेपालको खराब सुरुवात

त्रिदेशीय महिला टी–२० अन्तर्राष्ट्रिय क्रिकेट श्रृंखलामा नेपालले खराब सुरुवात गरेको छ।

त्रिदेशीय महिला टी–२० अन्तर्राष्ट्रिय क्रिकेट श्रृंखलामा नेपाल नेदरल्यान्ड्ससँग पराजित भएको छ।

कीर्तिपुरको त्रिवि क्रिकेट मैदानमा भएकामे खेलमा नेपाल नेदरल्यान्ड्ससँग २० रनले पराजित भएको हो।

नेदरल्यान्ड्सले दिएको १५८ रनको लक्ष्य पछ्याएको नेपालले २० ओभरमा ७ विकेट गुमाएर १३७ रनमात्र बनाउन सक्यो।

नेपालकी सीता रानामगरले सर्बाधिक ४५ बलमा २८ रन बनाइन्।

यस्तै, कविता जोशीले २७ रन थपिन्।

पूजा महतोले २४ रन जोडिन्।

नेदरल्यान्ड्सकी करोलिन डी लाङ्गे र इभा ल्यान्चले समान २÷२ विकेट लिए।

यसअघि, टस हारेर ब्याटिङको निम्तो पाएको नेदरल्यान्ड्सले २० ओभरमा ४ विकेट गुमाएर १५७ रन बनायो।

नेदरल्यान्ड्सकी रोबिन रिज्केले सर्बाधिक ५९ रन बनाइन्।

आइरिस ज्विलिङले ३१ रन बनाइन्।

रोबिन रिज्के र आइरिस ज्विलिङ दुवै जना नटआउट रहे।

नेपालकी कविता कुँवर, पूजा महतो, ईश्वरी विष्ट र सीता रानामगरले समान १÷१ विकेट लिए।

यो खेलमा एलिसाकुमारी यादव र मनिषा उपाध्यायले नेपाली महिला राष्ट्रिय टोलीबाट टी–२० अन्तर्राष्ट्रिय क्रिकेटमा डेब्यु गरेका छन्।

त्रिदेशीय टी–२० श्रृंखलामा नेपाल, नेदरल्यान्ड्स र थाइल्यान्ड छन्।

प्रतियोगितामा भोलि (शुक्रबार) नेदरल्यान्ड्स र थाइल्यान्डले खेल्नेछ।

त्यसैगरी, पर्सि (शनिबार) नेपाल र थाइल्यान्डबीच खेल हुनेछ।

आइतबार, नेदरल्यान्ड्स र नेपालको खेल हुनेछ।

सोमबार, थाइल्यान्ड र नेदरल्यान्ड्सबीच खेल हुनेछ।

मंगलबार थाइल्यान्ड र नेपालबीच खेल हुनेछ।

बुधबार, नेपाल र नेदरल्यान्ड्सले खेल्नेछ।

बिहीबार, नेदरल्यान्ड्स र थाइल्यान्डले खेल्नेछ।

शुक्रबार, नेपाल र थाइल्यान्डले खेल्नेछ।

लिग चरणको अंक तालिकामा शीर्ष स्थानमा रहने टोली विजेता बन्नेछ।