टाइगर कप भलिबलः महिलातर्फ न्यु–डायमण्ड दोस्रो क्वालिफायरमा

नेपाल पुलिस क्लबलाई पराजित गर्दै टिपटप न्यू डायमण्ड स्पोटर््स क्लब

पोखरामा जारी पाँचौं संस्करणको एनसेल टाइगर कप राष्ट्रिय तथा अन्तर्राष्ट्रिय क्लब महिला तथा पुरुष भलिबल प्रतियोगिताको महिलातर्फ न्यु–डायमण्ड दोस्रो क्वालिफायरमा प्रवेश गरेको छ।

पोखरा रंगशालामा बिहीबार बिहान भएको एलिमिनेटर खेलमा न्यु–डायमण्डले विभागीय नेपाल पुलिसलाई ३–० को सोझो सेटमा पराजित गरेको हो।

विभागीय पुलिसमाथि न्यु–डायमन्डले पहिलो सेट २५–२२ ले जीत निकाल्यो।

त्यसैगरी, दोस्रो सेट २५–१४ को सहज जीत निकाल्यो।

तेस्रो सेट २५–२१ ले आफ्नो पक्षमा पा¥यो।

यसअघि, न्यु–डायमण्डले लिग चरणमा पनि पुलिसलाई पराजित गरेको थियो।

पुलिस ‘हार्ने समूह’ बाट शीर्ष स्थान र न्यु–डायमण्ड ‘जित्ने समूह’ बाट तेस्रो स्थानमा रहँदै एलिमिनेटरमा प्रतिस्पर्धा गरेका थिए।

न्यु–डायमण्डले अब फाइनल प्रवेशका लागि विभागीय सशस्त्र प्रहरी बलको एपीएफ र आयोजक टाइगर ग्रुपबिचको खेलमा पराजित टोलीसँग प्रतिस्पर्धा गर्नेछ।