अविरल ‘हिमालयन चितुवा’ ले बोलिभियन गुथीलाई हराए

‘हिट ४५’ नामक प्रोफेसनल किक बक्सिङ प्रतियोगितामा नेपाली युवा खेलाडी अविरल घिमिरे ‘हिमालयन चितुवा’ले बोलिभियाका च्याम्पियन फ्रान्को गुथीलाई हराएका छन् ।

जापानको नागोया कंग्रेस केन्द्रको हलमा भएको खेलमा नेपालका घिमिरेले बोलिभियन च्याम्पियन फ्रान्को गुथीलाई दोस्रो राउण्डमै हराएका हुन् ।

नेपालको प्रतिनिधित्व गर्दै नेपाली खेलाडी अविरल घिमिरेले बोलिभियाका च्याम्पियन फ्रान्को गुथीलाई दोस्रो राउन्डमा नकाउट हानेर विजयी बने । जितसँगै घिमिरेले जापानी येन नगद १ लाखसहित ट्रफी र मेडलसमेत हात पारे ।

घिमिरेले हालसम्म खेलेका खेलमध्ये १२ वटामा ३ एमेच्योर, २ वटा सेमी प्रोफेसनल र ७ वटा प्रोफेसनल खेलमा ११ वटा जित हासिल गरिसकेका छन् । जसमध्ये ७ वटा प्रोफेसनलमा ५ वटामा नकाउट गरी जितेका थिए । अविरल ‘हिमालयन चितुवा’ ले अबको आगामी भिड्न्त रिभेन्ज फाइट ब्राजिलियन खेलाडीसँग गर्नेछन् ।