पोखरा । १३ औं दक्षिण एसियाली खेलकुद (साग) अन्तर्गत हुने महिला फुटबल प्रतियोगिता आज (मंगलबार)देखि पोखरा फुटबल स्टेडिममा सुरु हुँदैछ ।
आयोजक राष्ट्र नेपाल र श्रीलंकाले महिला फुटबलको उद्घाटन खेल खेल्ने तालिकामा उल्लेख छ ।
साग अन्तर्गत नेपाल र श्रीलंकाको आमने–सामने हुन लागेको भने यो पहिलो पटक भने होइन । ११ औं सागमा पहिलो पटक महिला फुटबलले प्रवेश पाएपछि नै यी दुई देश चिर परिचित प्रतिद्वन्द्वी हुन् । नेपालका लागि श्रीलंका बलियो प्रतिद्वन्द्वी भने मानिँदैन ।
सागको १२ औं संस्करण भारतमा भएको थियो । भारतको गुवाहाटीमा भएको खेलमा नेपालले श्रीलंकालाई ४–० को फराकिलो अन्तरले पराजित गरेको थियो । त्यसअघिका संस्करणमा पनि श्रीलंकाले नेपालमाथि दबाब कायम राख्न सकेको छैन । बंगलादेशको ढाकामा ११ औं संस्करणमा प्रवेश पाएको महिला फुटबल टोलीले त्यतिबेला पनि श्रीलंकालाई ८–० को फराकिलो अन्तरले पराजित गरेको थियो ।
श्रीलंकापछि नेपालले मंसिरको १९ गते माल्दिभ्स र २१ गते भारतसँग प्रतिष्पर्धा गर्नेछ । सहभागी राष्ट्र थोरै र मैदानको अवस्थाका कारण पनि प्रत्येक खेलपछि एक दिन खेल रोकिएको छ । राउन्ड रोबिन लिगबाट शीर्षस्थानमा उक्लिने दुई टिमले मंसिरको २३ गते फाइनलमा भिड्नेछन् ।
श्रीलंकासँग भिड्न नेपाली टोली तयार रहेको प्रशिक्षक हरि खड्काले प्रतिक्रिया दिएका छन् । पोखरा रंगशालास्थित फुटबल स्टेडियमसमेत प्रतियोगिताका लागि तयार पारिएको छ । नेपालका प्रशिक्षक खड्काले घरेलु मैदानमा जितेर इतिहास खडा गर्न चाहेको बताउँछन् ।
‘यस पटक हामीले कडा मिहेनेत गरेका छौं । हामीसँग घरेलु मैदान पनि छ । दुवै स्ट्रेन्थ मिलाएर टाइटलका लागि तयार छौं । अघिल्ला संस्करणहरुमा भारतले नेपाललाई रजतमा रोक्दै आएको छ ।’
पोखरा रंगशालामा हुने साग महिला फुटबलका लागि खेलाडीसहित सागका लागि ३७ जना अफिसियल टोली नेपालको प्रतिनिधित्व गर्नेछन् । १३ औं साग महिला फुटबल प्रतियोगितामा गोलरक्षकका रुपमा एन्जिला तुम्बापो, अञ्जना रानामगर र उषानाथ छन् ।
डिफेन्डरमा गीता राना, पुनम जर्घामगर, अमृता जैसी, हिराकुमारी भुजेल, कविता धिमाल, मनमाया लिम्बु र पुजा राना उभिनेछन् । मिडफिल्डरमा रेनुका नगरकोटी, दीपा राई, सरु लिम्बु, इन्दिरा राई, अनिता बस्नेत, मन्जलीकुमारी योन्जन, विमला चौधरी छन् । परवार्डको जिम्मा सावित्री भन्डारी, निरु थापा, अनिता केसीले सम्हाल्ने छन् ।
एनपीएलको प्रत्यक्ष प्रसारण सम्झौता अवैधानिक छ
९ सामाजिक सञ्जालहरु (युट्युब/फेसबुक पेज) कारवाहीमा
यु–१९ पुरुषतर्फको चौथो अभ्यास खेलमा नेपाल पराजित
विराटनगर र जनकपुर एनपीएलको उदघाटन खेलमा भिड्ने (खेल तालिका) सहित
व्यवसायिक सीपले व्यक्तिलाई रोजगारीमा प्रतिस्पर्धी बनाउँछ
क्रिकेटरहरु रचना र दीपेशलाई पोखरामा सम्मान
सकियो मुस्ताङको लोमन्थाङ चिनाउने दुई गीतको छायांकन (हेर्नुहोस, ८ फोटो फिचरसहित)
जोर्ज जोन सरले देखेको त्यति बेलाको पोखरा ...
आइसीसीको महिला टी–२० वरीयतामा नेपाल यथावत स्थानमा
सरकारलाई दिएको समर्थन माओवादीले फिर्ता लियो
चिनियाँ राष्ट्रपति सी चिनफिङ नेपालको राजकीय भ्रमणमा रहँदा उनको स्वागत एवं सम्मान, सी विभिन्न कार्यक्रममा सरिक हुँदा र विदाईको फोटोहरु (हेर्नुहोस, ३७ फोटो सहितको फोटो फिचर)
२०१९ को डिसेम्बरभित्रै साग गेम हुने नेपाल ओलम्पिक कमिटी अध्यक्ष जीवनराम श्रेष्ठको दावी
१३ औं दक्षिण एशियाली खेलकुद ‘साग’को प्रतिक चिन्ह लोगो र म्यासकट सार्वजनिक
पोखरामै एसएलसी पास गर्ने पहिलो व्यक्ति वीरेन्द्रकुमार बाटाजू
एनपीएलको प्रत्यक्ष प्रसारण सम्झौता अवैधानिक छ
९ सामाजिक सञ्जालहरु (युट्युब/फेसबुक पेज) कारवाहीमा
यु–१९ पुरुषतर्फको चौथो अभ्यास खेलमा नेपाल पराजित
विराटनगर र जनकपुर एनपीएलको उदघाटन खेलमा भिड्ने (खेल तालिका) सहित
व्यवसायिक सीपले व्यक्तिलाई रोजगारीमा प्रतिस्पर्धी बनाउँछ
क्रिकेटरहरु रचना र दीपेशलाई पोखरामा सम्मान
पत्रकारहरु नै असुरक्षित, सरोकारवालाको ध्यानाकर्षण
पोखरामा पूर्वगर्भनर नेपालको प्रश्न, लगानी किन बढेन ?
